გრავინა:”სკუდეტოს გუნდი, მხოლოდ მოედანზე იგებს!”

იტალიის ფეხბურთის ფედერაციის პრეზიდენტი გაბრიელ გრავინა, იუვენტუსის პრეზიდენტის ანდრეა ანიელის სიტყვებს ეხმაურება.

შეგახსენებთ, რომ ბიანკონერის პირველმა პირმა სოციალურ ქსელში საინტერესო კომენტარი გამოაქვეყნა..

მისი განცხადებით, თუ სხვადასხვა ორგანომ ჩემპიონატის შეწყვეტის გადაწყვეტილება მიიღო და სკუდეტოს ამჟამად პირველ ადგილზე მყოფ იუვენტუსს ვადაზე ადრე გადაცემდნენ, ის ასეთ ტიტულზე უარს იტყოდა..

“მხოლოდ ფედერალურ საბჭოს შეუძლია მსგავსი სახის გადაწყვეტილების მიღება, თუმცა ამ ეტაპზე მსგავსი რამ არ განიხილება.

თავად იუვენტუსის და მისი პრეზიდენტის პოზიცია აღნიშნულ საკითხზე შექებას იმსახურებს.

მე აბსოლუტურად ვეთანხმები იდეას, რომ სკუდეტოს გუნდი უშუალოდ მოედანზე იგებს.”