სანდრო ტონალი – კონტრაქტი მზად არის

გრძელდება საუბარი სანდრო ტონალისთან დაკავშირებით, რომელიც უფრო და უფრო უახლოვდება ტურინულ გრანდს.

მასიმო ჩელინოს გუშინდელ ინტერვიუში, რომელიც ჩვენს საიტზეც გამოქვეყნდა, ნათელი გახდა რომ ბიანკონერი აქტიურ რეჟიმზეა გადასული, რათა ნიჭიერი შუახაზელი ხელში ჩაიგდოს.

კონკურენტებად ისევ და ისევ ორი მილანური გრანდი სახელდება..

თუმცა, ბიანკონერის ფეხბურთელისთვის უკვე გამზადებული აქვს 5 წლიანი კონტრაქტი, სეზონში 2-3 მილიონი ევროს ანაზღაურებით.

მაურისიო სარი კი საჭირო გარანტიებს იძლევა, რომ თავდაპირველად ტონალი აქტიური როტაციის წევრი იქნება, ხოლო მისი ასპარეზობიდან გამომდინარე თუ ყველაფერი წარმატებით განვითარდა, მაშინ სასტარტოს უცვლელი მოთამაშეც გახდება.