Mundo Deportivo:”ბარსა იუვეს მოლაპარაკებებზე მწვანე შუქს უნთებს”

Mundo Deportivo და მათ შორის რამდენიმე იტალიური გამომცემლობა საინტერესო ცნობებს აქვეყნებს არტურთან დაკავშირებით.

ბარსელონა როგორც ჩანს მზად არის სამხრეთ ამერიკელი ნახევარმცველი გაასხვისოს და იუვენტუსს მოლაპარაკებებზე მწვანე შუქი აუნთო.

თავად ბრაზილიელს საკუთარი სურვილით კატალონიის დატოვება და კარიერის ტურინში გაგრძელება არ მოუთხოვია, მაგრამ ესპანური გრანდი სიტუაციის შემსუბუქებას ასეთი გზით ეცდება.

ისინი არ აღუდგებიან წინ იუვეს მესვეურთა მხრიდან პირდაპირ კონტაქტს ფეხბურთელთან..

იმ შემთხვევაში თუ მხარეებმა საერთო ენა მონახეს, სწორედ ამის შემდეგ გაიმართება თავად კატალონიელებთან ტრანსფერის ფორმულაზე კონსულტაციები.

საგულისხმოა, რომ ასეთი ნაბიჯით იუვე ინტერზე და ტოტენჰემზე წინ დგება არტურთან დაკავშირებით.