იუვე და ატალანტა მორიგი ტრანსფერის დახურვასთან არიან ახლოს

იუვენტუსი და ატალანტა ახლოს არიან მორიგი გარიგების დახურვასთან.

საქმე ამჯერად სიმონე მურატორეს ეხება, რომელიც ამპლუით შუახაზელია, თუმცა დაცვის ხაზშიც შეუძლია პროდუქტიული ასპარეზობა.

გასული ორი სეზონის განმავლობაში მურატორე იუვენტუსის 23 წლამდე გუნდის უცვლელი წევრი იყო..

ძირითად გუნდში მისი დებიუტიც შედგა, თუმცა ეს სიმბოლურად ერთი წუთის განმავლობაში მოხდა.

გარიგება დაახლოებით 7-8 მილიონის რადიუსში დაიხურება და ბიანკონერისთვის ეს მორიგი პროდუქტიული შეთანხმება გახდება.

სხვადასხვა შეთანხმებების საფუძველზე ბოლო პერიოდში იუვემ 80 მილიონის გამომუშავება მოახერხა ისეთი ფეხბურთელებით, როგორებიც არიან როლანდო მანრაგორა, რიკარდო ორსოლინი, ემილ აუდერო, სტეფანო სტურარო და ალბერტო ჩერი..