ფეხბურთელების შეფასებები

გთავაზობთ იუვენტუსის ფეხბურთელების შეფასებებს ლაციოსთან გამართული შეხვედრის შემდეგ:

შესნი – 6.5 – პირველ ტაიმში უსაქმოდ იყო.. იმობილეს დარტყმულზე უშანსოდ იყო ნებისმიერ შემთხვევაში. მეორე ტაიმის ბოლო 10 წუთში მის კართან უფრო ჩამოცხა, თუმცა პოლონელმა უშეცდომოდ იასპარეზა.

კუადრადო – 6 – ნორმალურად ასპარეზობდა იქამდე, სანამ მის ფლანგზე ანდერსონი არ გამოჩნდა, რომელაც ცხოვრება გაურთულა.

დე ლიხტი – 6.5 – ლაციოს ფორვარდები ჩრდილში რომ იყვნენ მოქცეულნი მისი დამსახურებაა.

ბონუჩი – 5 – სუსტი ასპარეზობა. ბენტანკურის შეცდომა გასაგებია, თუმცა თავადაც დაკარგული ქონდა პოზიცია.. მეორე ტაიმში უწყინარ სიტუაციაში მოიტანა გოლი.

ალექს სანდრო – 6.5 – კარგი და საიმედო ასპარეზობა.. ლაციოს მის ფლანგზე არაფერი გამოსდიოდა და შესაბამისად ბრაზილიელი შეტევაშიც თავისუფლად ერთვებოდა.

რემზი – 5.5 – ზონებს შორის აქტიურად მოძრაობდა.. დიბალასთანაც კარგად კომბინირებდა, მაგრამ ფიზიკური კონდიციები რომ გასაუმჯობესებელი აქვს ფაქტია.. პირველი ნახევრის შუაწელში აშკარად იკარგება და ბევრი სიცარიელე რჩება.

მატუიდი – 56 წუთიდან – 5.5 – ჩვეული შავი სამუშაო და არაფერი მეტი.

ბენტანკური – 6.5 – შეცდომა რომ დავივიწყოთ, სხვა მხრივ კარგად მოქმედებდა.. ინარჩუნებდა ტემპს და ნახევარდაცვაში უმეტესწილად გამარჯვებული რჩებოდა.. აკონტროლებდა მატჩის სადავეებს და ქმნიდა პარტნიორებისთვის კომფორტულ სიტუაციას.

რაბიო – 7 – საუკეთესო შუახაზელებს შორის.. ფიზიკური ორთაბრძოლები მისი გამარჯვებით სრულდება.. ანვითარებს მაღალ სიჩარეზე შეტევებს და არც თავად ერიდება წინ წასვლას.. იყო ჩავარდნები, მაგრამ საკუთარი ფიზიკური კონდიციების ხარჯზე ყველაფერს აბალანსებდა.

დიბალა – 7 – მარგალიტი! ვერცხლის წყალივით მოძრაობდა და ბურთი, რომ სწრაფად ცირკულირებდა უშუალოდ მისი დამსახურებაა.. არადა იგუაინი უნდა ყოფილიყო სასტარტოში.. აკეთებს საგოლე გადაცემას რონალდუზე.

რუგანი – 89 წუთზე – შეფასების გარეშე

რონალდუ – 7 – არ ჩერდება მთელი 90 წუთის მანძილზე.. დაგეშილია მეტოქის კარზე და მეორე ტაიმში ორი ბურთითაც დასაჩუქრდა. თუმცა, ამასთან ერთად ბევრი იშრომა გუნდისთვის.

სარი – 6.5 – იგუაინზე აკეთებს არჩევანს და შეიძლება ითქვას, რომ არგენტინელის მოულოდნელმა ტრავმამ გეგმები შეუცვალა.. დიბალა გაამწესა სასტარტოში, რომელმაც თამამად შეიძლება ითქვას, რომ თამაში გააკეთა!