უკანასკნელი 24 საათის მთავარი სატრანსფერო სიახლეები

გასული 24 საათის განმავლობაში სხვადასხვა სახის ინფორმაციები გავრცელდა, რომელიც ბიანკონერის უკავშირდებოდა.

საუბარი უმჯობესია დავიწყოთ ტიაგო ალკანტარასთან დაკავშირებით, რომელსაც შავ-თეთრ მაისურს არაერთი წელია აცმევენ, მაგრამ რიგი გარემოებებიდან გამომდინარე ისტორია განვითარებას და ლოგიკურ დასასრულს ვერ აღწევს.

ამჯერად ვრცელდება ხმები, რომ ტურინსა და მიუნჰენს შორის კონსულტაციები აქტიურ ფაზაშია და მხარეები მოთამაშეთა გაცვლით არიან დაინტერესებულები.

კერძოდ, არაა გამორიცხული გერმანიაში კარიერა დუგლას კოშტამ გააგრძელოს, რომელიც თავის დროზე აპენინებზე სწორედ ბუნდესლიგიდან მოვიდა..

ორივე მხარე 30 მილიონიან ნიშნულზე შეჯერდა და მათთვის ეს ციფრი მისაღებია.. აქედან გამომდინარე იუვეს ან ბაიერნს თანხის დამატება არ მოუწევს და საქმე პირდაპირ ბარტერთან გვექნება.

დაველოდოთ და ერთად შევხედოთ, რამდენად გამართლდა აღნიშნული ცნობები, რომელსაც გარკვეული იტალიური და გერმანული წყაროები იუწყებიან.

Gazzetta -ს მტკიცებით ტურინელები არკადიუშ მილიკის ტრანსფერზე გეგმავენ მოლაპარაკების განახლებას.

პოლონელზე პრობლემა მას შემდეგ გაჩნდა, როდესაც დე ლაურენტისმა 50 მილიონი მოითხოვა.. ტურინი ალტერნატიულ ვარიანტებზე კი გადაერთო, მაგრამ ყველგან წარუმატებლობა განიცადა..

დრო გადის, ხოლო ანდრეა პირლოს მხრიდან მოთხოვნილი ფორვარდი არ ჩანს.. გონსალო იგუაინმაც გუნდი დატოვა და კლუბს ახლა ყველა ვარიანტში ჭირდება სათანადო შევსება ამ პოზიციაზე.

დღეისათვის არკადიუშის ღირებულება 25 მილიონამდე დაეცა, რადგან ფორვარდს კონტრაქტი სეზონის ბოლოს უმთავრდება და არსებობს რისკი მისი საერთოდ უფასოდ დაკარგვის..

თუმცა, ფაბიო პარატიჩი ახლა ისევ და ისევ ლუის სუარესის ტრანსფერზეა გადართული, რომელთან დაკავშირებით რაიმე ახალი და საინტერესო ცნობები არ არის.. მხარეები ტონალურ რეჟიმში იმყოფებიან..

ალტერნატივა ედინ ჯეკო? დიახ.. თუმცა, რომას გაშვება არ უნდა, ხოლო ფეხბურთელი წასვლისკენ არ იხრება..

სხვა გვარებიდან კი გაჟღერდა ოლივიე ჟირუ მაგრამ მოთამაშემ თავად უარყო ჭორები და ჩელსიში დარჩენა დაანონსა.ა

პ.ს. უკანასკნელი ცნობებით 17 სექტემბერი შესაძლოა გადამწყვეტი აღმოჩნდეს იუვენტუსის და ლუის სუარესის ისტორიაში.

ამ დღეს, პარასკევს პერუჯაში 12:00-ზე შედგება იტალიური ენის გამოცდა და როგორც ჩანს ურუგვაელის საგის გაგრძელება სწორედ ამ ეპიზოდზეა დამოკიდებული.