ანდრეა პირლო რომასთან გამართულ მატჩზე საუბრობს

ანდრეა პირლო გუშინდელ შეხვედრას აფასებს, სადაც მისი გუნდი ორჯერ მარცხებოდა, თუმცა კრიშტიანო რონალდუს ძალისხმევით ქულის გადარჩენა მაინც მოახერხა..

თამაშის მსვლელობისას ადრიენ რაბიო მოედნიდან იქნა გაძევებული, რამაც ბიანკონერის მდგომარეობა მეტად გაართულა და აქედან გამომდინარე იტალიელ სპეციალისტს შედეგი მისაღებად მიაჩნია:

“ბუნებრივია გასულ დაპირისპირებასთან შედარებით, შედეგიანობის თვალსაზრისით ეს იყო უკან გადადგმული ნაბიჯი.

საერთოდაც, რომა და სამპდორია ერთმანეთისგან ძალიან განსხვავდებიან და მშვენივრად მომეხსენებოდა რაოდენ დიდ პრობლემებს წავაწყდებოდით.

ვფიქრობდით, რომ ერთი-ერთზე თამაშის უპირატესობა გვექნებოდა, რადგან დედაქალაქელებს დიდი ძალებით უყვართ შეტევაში გადასვლა, მაგრამ ჩემმა ჩანაფიქრა არ გაამართლა. 

ფლანგებზე სხვაგვარი მოქმედებები გვმართებდა, რითაც პარტნიორებს თავისუფალი სივრცეები გაუჩნდებოდათ..

ნახევარდაცვაში იმ ტიპის ფეხბურთელები ირიცხებიან, რომლებსაც ტაქტიკურ სქემაში ორი შუახაზელისთვის განკუთვნილ მოდულში იყენებენ.. შესაბამისად რაბიო, ბენტანკური და არტური სათანადო კონდიციებში უნდა მოვიყვანოთ.

არტურს ადაპტაციის გავლა მოუწევს იტალიურ ფეხბურთთან.. თან ნუ დაგავიწყდებათ, რომ მას 6 თვე არ უთამაშია.. ფიზიკური კონდიციებიც აღსადგენი აქვს.

ბენტანკურმა შარშანდელ სეზონში უამრავი შეხვედრა ჩაატარა და შეიძლება ითქვას, გადაღლილი და ძალა გამოცლილი შეხვდა ახალ სეზონს.. ურუგვაელი სპეციალური პროგრამით განაგრძობს მომზადებას. 

კრიშტიანო რონალდუმ კიდევ ერთხელ საჯაროდ დაამტკიცა რაოდენ დიდი პროფესიონალია! 10 კაცით დარჩენის დროს მან უფრო მეტი ირბინა, რისი დამსახურებითაც შევძელით რთულ მდგომარეობაში მყოფებმა შეხვედრის გადარჩენა.”