ტურინელთა პრობლემები კროტონესთან მატჩის წინ

ტურინელები მოახლოებულ მატჩს მთელი რიგი პრობლემებით შეხვდებიან.

კროტონესთან მატჩში ბიანკონერის კრიშტიანო რონალდუ, უინსტონ მაკენი და ალექს სანდრო ვერ დაეხმარებიან.

ადრიენ რაბიოსთან დაკავშირებით კომიტეტმა გადაწყვეტილება გუშინ მიიღო, როდესაც ცნობილი გახდა იუვენტუსი – ნაპოლის შეხვედრის ვერდიქტი. ნაპოლის ტექნიკური წაგება ჩაეთვალა 3-0 – ხოლო ფრანგს დისკვალიფიკაცია ამ თამაშზე მოეხადა და აქედან გამომდინარე კროტონესთან იასპარეზებს.

ტექნიკური თვალსაზრისით ადრიენს სწორედ ნაპოლისთან შეხვედრაში უწევდა გამოტოვება და კომიტეტმა ეს ასეც დატოვა.

მაკენის და რონალდუს COVID-19 დაუდასტურდათ და ისინი გუნდს გარკვეული პერიოდის მანძილზე ჩამოშორდნენ.

საგულისხმოა, რომ უეფას პროტოკოლის თანახმად, მოთამაშეს მატჩამდე 7 დღით ადრე უნდა ქონდეს ტესტზე უარყოფითი პასუხი. აქედან გამომდინარე მათი ასპარეზობა ბარსელონასთან გამოირიცხა.

ერთი კარგი ინფორმაცია აარონ რემზის უკავშირდება, რომლის ტრავმა სერიოზული არ გამოდგა და დიდი ალბათობით უელსელი მოახლოებულ მატჩს მზადყოფნაში შეხვდება.