იტალიური მედია ფაბიო პარატიჩის მომავალზე საუბრობს

ფაბიო პარატიჩის თაობაზე უკვე დიდი ხანია განსხვავებული ხმები ვრცელდება.

ბოლო ორი დღეა იმასაც კი იწერებოდნენ იტალიელი ჟურნალისტები, რომ მისი ტურინიდან აბარგება ფაქტიურად გადაწყვეტილი საკითხია.

ბიანკონერის სპორტულ დირექტორთან ბევრი კითხვებია დაგროვებული გაყიდვებთან დაკავშირებით, რამაც გააჩინა კიდევაც ეჭვი რომ ხელმძღვანელობა კარისკენ მიუთითებდა.

სხვათაშორის მედიაში ისიც კი გამოქვეყნდა, რომ ფედერიკო ჩერუბინი კლუბის დირექტორის პოსტზე განიხილება, რომელიც სწორედ პარატიჩის საქმიანობას გააკონტროლებს.

ანუ ჩერუბინს ექნება ზუსტად იდენტური უფლება მოსილება, რაც თავის დროზე ჯუზეპე მაროტას..

თუმცა, მიუხედავად არსებული ცნობებისა ჯანლუკა დი მარციოს და ფაბრიციო რომანოს მტკიცებით პარატიჩის ტურინიდან არავინ გაუშვებს და იგი კლუბთან სულ მალე ახალ კონტრაქტს გააფორმებს.