ძამბროტა:”მესის რონალდუზე მაღლა ვაყენებ”
დღეს, ტურინში ჩემპიონთა ლიგის მეორე სათამაშო დღეს ერთმანეთს იუვენტუსი და ბარსელონა დაუპირისპირდებიან.
საკუთარი მოსაზრება შეხვედრასთან დაკავშირებით ჯანლუკა ძამბროტამაც გამოთქვა, რომელიც წლების წინ იუვენტუსის, ხოლო შემდგომ ბარსელონას ღირსებას იცავდა:
“კრიშტიანო რონალდუ და ლეო მესი უდაოდ უცხოპლანეტელები არიან. მათი თამაშის ყურება, მათი შედეგი ფენომენალურია.
თუმცა, პირადად ჩემთვის არგენტინელი უფრო მაღლა დგას.. ლეო ფეხბურთის გენიაა და ამ უკანასკნელს დიეგო მარადონასაც კი ვამჯობინებ.
ნუ დაგავიწყდებათ ის გარემოებაც, რომ მის მხარდამხარ მაქვს ნათამაშები და მესის ძალიან კარგად ვიცნობ.
ზოგადად ეს დაპირისპირება უნიკალურია და ყოველთვის საინტერესოდ ვითარდება. საუბარი გვაქვს კლუბებზე, რომლებიც მსოფლიო ფეხბურთის ისტორიაში შევიდნენ როგორც საერთაშორისო დონეზე, ასევე შიდა ასპარეზზე მიღწეული შედეგებიდან გამომდინარე.”
ეგ კომოელი გნიდა ბავშვი..დღემდე იარად მაწევს..