Sky Sport:”სიტუაცია დე ლიხტთან და ალექს სანდროსთან დაკავშირებით”

Sky Sport -ი ალექს სანდროსთან და მატეის დე ლიხტთან დაკავშირებით განახლებულ ინფორმაციას აქვეყნებს.

“ჰოლანდიელი მცველი განაგრძობს საწვრთნელ პროცესში მონაწილეობას, თუმცა ექიმების რჩევით იგი აქტიურ კონტაქტში შესვლას ერიდება.

მისი ასპარეზობა მოახლოებულ მატჩებში ფაქტიურად გამორიცხულია და კლუბს სანაკრებო პაუზის შემდეგ თუ დაუბრუნდება.

ანალოგიური სიტუაცია სუფევს ბრაზილიელი მარცხენა მცველის მიმართაც. სანდროს მდგომარეობა უმჯობესდება, მაგრამ სრული დატვირთვით ვარჯიში არც მისთვის არის რეკომენდირებული.

სამხრეთ ამერიკელთან მიმართებაშიც მის მოედანზე დაბრუნებას ნოემბრის შუა რიცხვების შემდეგ უნდა ველოდოთ.”