ლუის ენრიკე მორატას განსაკუთრებულად აქებს

ესპანეთის ეროვნული ნაკრების თავკაცს ლუის ენრიკეს არ გამოპარვია ალვარო მორატას ბრწყინვალე ასპარეზობა..

ენრიკემ იუვენტუსის ფორვარდი სანაკრებო მატჩებისთვის იხმო და პრესკონფერენციაზე საკუთარ გადაწყვეტილებაზე ისაუბრა:

“მიზეზი მარტივია.. იუვენტუსში ალვარო ფენომენალურ შედეგს აჩვენებს.. იგი საოცრად თავდაჯერებული და მოტივირებულია..

ამასთან ერთად, ტაქტიკური თვალსაზრისით მორატა იმ ფორვარდებს შორის შედის, რომლებიც თანაბრად პროდუქტიულები არიან შეტევასა და დაცვაში.

გვერდიდან შემიძლია შევაფასო, რომ ახლა ალვარო მეტად მიზანდასახული და კონცენტრირებულია..

შესაბამისად, ასეთ ფორმაში მყოფი ფორვარდი ევროპის ჩემპიონატზე ასპარეზობას 100%-ით იმსახურებს და ჩვენ ამ გადაწყვეტილებისკენ მივდივართ.”