Gazzetta:”იუვე, მოუსმინე პირლოს”

Gazzetta საინტერესო სტატიას აქვეყნებს ბიანკონერის სატრანსფერო პოლიტიკასთან დაკავშირებით, რომელიც ანდრეა პირლოს მუშაობაზე ზეგავლენას ახდენს.

არავისთვის არის სიახლე, რომ მაესტროს თავიდანვე სურდა გუნდში ედინ ჯეკო და მანუელ ლოკატელი..

თუ ჯეკოს შემთხვევაში ალვარო მორატამ მოახერხა ბოსნიელის გადაფარვა და დღეისათვის გუნდის ერთ-ერთ მთავარ დამრტყმელ ძალად ყალიბდება, ნახევარდაცვაზე იმავეს ვერ ვიტყვით.

ანდრეას ძალიან უჭირს თამაშიდან თამაშამდე, იმ ფორმაციის დაყენება, რომელიც მის ტაქტიკურ ჩანაფიქრებს ხორცს შეასხამს..

არადა ეს პოზიცია იტალიელი თავკაცისთვის შეიძლება თამამად ითქვას, რომ ფუნდამენტურია..

წავიდეთ უფრო ადრე და გავიხსენოთ მაურისიო სარი.. მის იუვეს ქონდა თავისებური სტილი.. პრობლემები მაშინ ექმნებოდა, როდესაც ბურთი საჯარიმოს მისადგომებთან იყო და არა მანამდე..

მაშინ სარი ჟორჟინიოს ითხოვდა.. მაგრამ კლუბმა ურჩია აქცენტი მირალემ პიანიჩზე გაეკეთებინა.. შედეგი თავადაც იხილეთ.. სარის ბევრი სხვა პრობლემაც ქონდა და მარტო ბოსნიელი შუახაზელი მის გადაფარვას ვერ შეძლებდა.

აი პირლოს შემთხვევა ამ თვალსაზრისით ერთი-ერთში მიდის.. არც ადრიენ რაბიო, არტური ან როდრიგო ბენტანკური ვერ შეძლებენ ახლა იმის გაკეთებას, რაც მათი უშუალო მოვალეობა არ არის..

აქედან გამომდინარე ახლად დანიშნულმა მწვრთნელმა პირველსავე შეხვედრაზე მოითხოვა ნახევარმცველი, რომელიც ბურთის გადაადგილების სისწრაფეს და ხარისხს ერთმანეთის პროპორციულად უზრუნველყოფდა..

ბევრი ვარიანტი იყო და ყველაზე მისაღები ღირებულების ამბავში სწორედ სასუოლოს რეჯისტა დასახელდა..

ახლა კი ცდილობს ფაბიო პარატიჩი სასუოლოს დაყოლიებას, მაგრამ კარს მომდგარი ევროპის ჩემპიონატის პირობებში, მაშინ როდესაც მოთამაშე კარგ შედეგს აჩვენებს, ბუნებრივია მათი დაყოლიება გაჭირდება..

პირლომ ან უნდა შეცვალოს სქემა, ან კლუბმა დაუყონებლივ უნდა შეასრულოს დავალება და მოიყვანოს იმ ტიპის ნახევარმცველი, რომელსაც ეგრეთ წოდებული საფეხბურთო ინტელექტი მარტო ფიზიკური კონდიციების უპირატესობით ფონს გასვლაზე აგებული არ იქნება..