ანდრეა პირლო აღფრთოვანებულია საკუთარი მოთამაშეებით

გთავაზობთ ანდრეა პირლოს მატჩისშემდგომ ინტერვიუს, მას შემდეგ რაც მისმა გუნდმა პრაქტიკულად უშანსოდ დაამარცხა ეუსებიო დი ფრანჩესკოს კალიარი:

“სანაკრებო ბატალიების შემდეგ, ხშირად ყოფილა ფეხბურთელების მხრიდან არასათანადო კონცენტრირება..

საბედნიეროდ ტურინში დაბრუნებულს ასეთი რამ ვერ შევამჩნიე და ჩვენ ყველამ ერთად ის შედეგისთვის დავიწყეთ მომზადება, რომელიც ვიხილეთ. 

ფეხბურთელები შესაძლოა შეიცვალონ, მაგრამ საქმისადმი მიდგომა ერთი და იგივე უნდა რჩებოდეს. გუნდში უამრავი მაღალი დონის შემსრულებელი მყავს, თუმცა ბალანსის პოვნის გარეშე ყოველთვის რთულია.

არტურ მელო ის ფეხბურთელია, რომელსაც ველოდით.. ლა ლიგაში საქმისადმი მიდგომა განსხვავებულია და ამიტომაც იყო საჭირო ადაპტაცია.. პროცესი მიდიოდა პროგრესულად და ფეხბურთელმა დიდი მოთმინება გამოიჩინა, რომელიც დაუფასდა.

ადრიენ რაბიო აქამდეც მომწონდა. ეს არის ტექნიკის და ფიზიკური ათლეტურობის ბრწყინვალე მაგალითი. აქ მოსვლის პირველივე წამიდან დავიწყეთ მასთან მუშაობა.. საქმე მენტალურ კუთხს ეხებოდა.. უნდა დაგვეჯერებინა მისთვის, რომ რეალური ჩემპიონია! შედეგს თავადვე ხედავთ.

შეხვედრა ზუსტად ისე ჩატარდა როგორც ვგეგმავდით.. ვალდებულები ვართ პრესინგი მთელი თამაშის განმავლობაში ვუზრუნველყოთ და ამისთვის საჭირო რესურსი ნამდვილად გაგვაჩნია. 

მითუმეტეს ბურთის ფლობა და მისი სწრაფი გადაადგილება, მოთამაშეებს ენერგიის დაზოგვასაც მოუტანს.. ამას თავადაც ხვდებიან და მოწონთ. 

ჩემი ფილოსოფია არ იცვლება.. მსურს, რომ ფეხბურთელებმა ბურთის მიმართლება ფლანგიდან ფლანგზე სწრაფად შეცვალონ, რითიც ფორვარდებს სივრცეში შესვლის დროს მიცემენ.

მერწმუნეთ, როგორც კი პაულო დიბალა სასურველ ფორმაში შევა, მოედანზე უფრო მეტ დროს გაატარებს. 

კრიშტიანო რონალდუ უსაზღვროდ დიდი პროფესიონალია.. აღფრთოვანებული ვუყურებ მის მოქმედებებს და ერთადერთი რჩევა რაც შემიძლია მივცე, არის რომ ასეთ სტილში გააგრძელოს.”