იუვენტუსის სავარაუდო სასტარტო შემადგენლობა

ტურინელებს ფერენცვაროშთან შეხვედრაში მოედანზე ნომინალურად ერთი ცენტრალური მცველი ეყოლება..

ლეონარდო ბონუჩი, ჯორჯო კიელინი და მერიჰ დემირალი ტრავმირებულები არიან. მატეის დე ლიხტმა კი მიმდინარე სეზონში პირველი თამაში გასულ უქმეებზე კალიარისთან ჩაატარა..

ასე რომ უნგრელთა წინააღმდეგ ანდრეა პირლო გარკვეული დანაკლისით ხვდება..

განაცხადში არ მოხვდა ასევე ჯანლუიჯი ბუფონი რომელსაც უმნიშვნელო პრობლემები აქვს და მწვრთნელმა თავის დაზღვევის მიზნით ვეტერანს დასვენების საშუალება მისცა.

ჟურნალისტების მოსაზრებით მაესტრო კვლავინდებურად 4-4-2 სათამაშო სქემით გამოვა მოედანზე, რომელმაც წინა შეხვედრაში კარგი შთაბეჭდილება დატოვა.

კარს პოლონელი ვოიცეხ შესნი დაიცავს.

დაცვის მარჯვენა ფლანგზე ხუან კუადრადოს ვიხილავთ, ხოლო საპირისპიროზე წესით და რიგით ალექს სანდროს..

ცენტრალურ ზონაში მატეის დე ლიხტს ამჯერად დანილო შეუწყვილდება.. სხვა ვარიანტი პრინციპში არ არის თუ არ ჩავთვლით ახალგაზრდა დრაგუსინს, რომელიც პირლომ განაცხადში შეიყვანა.

შუახაზში საკადრო პრობლემები არ შეინიშნება.. აქ უფრო ფართო არჩევანია. დეიან კულუსევსკი თუ ფედერიკო კიეზა? ჟურნალისტები რატომღაც მიიჩნევენ, რომ არცერთი და სასტარტოს უინსტონ მაკინის უწინასწარმეტყველებენ..

ამერიკელის გარდა შუახაზში როდრიგო ბენტანკური, არტურ მელო და ფედერიკო ბერნარდესკი მოიაზრებიან.

რაც შეეხება შემტევ დუეტს, ამჯერად კრიშტიანო რონალდუს პაულო დიბალა შეუწყვილდება.. წინასამატჩო პრესკონფერენციის დროს პირლომ არგენტინელზე დადებითად ისაუბრა და გარკვეულწილად მინიშნებაც გააკეთა, რომ მატჩს სწორედ ლა ჯოია დაიწყებს..

მატჩის პირდაპირი ტრანსლაციის ბმულს, ტრადიციულად შეხვედრის დაწყებამდე გამოვაქვეყნებთ.