ფეხბურთელების შეფასებები

გთავაზობთ ფეხბურთელების შეფასებებს, რომელიც ტრადიციულად La Stampa -მ გამოაქვეყნა:

შესნი – 6.5 – რამოდენიმე საკმაოდ ავანტურისტული მოქმედება, თუმცა საბოლოო ჯამში კარს საიმედოდ იცავდა. გაშვებულ ბურთში მისი დადანაშაულება რთულია.

კუადრადო – 5.5 – პირველივე წუთებიდან ეტყობოდა, რომ გადაღლილი იყო.. ეს ფაქტია, რადგან კოლუმბიელს საკმაო მატჩები დაუგროვდა შეცვლის გარეშე. უჭირს წინ წასვლა და ძირითადად უკანა ხაზში მოქმედებებით შემოიფარგლებოდა.

დე ლიხტი – 6.5 – შეუცდომელი.. მის ზონაში მეტოქეს კარგს არაფერს აძლევდა.. ჰოლანდიელმა დაადასტურა ის ფაქტი, რომ ჩინებულ ფორმაში დაბრუნდა.

დანილო – 6.5 – მეორე მატჩი ცენტრალური მცველის რანგში და ამჯერად საკმაოდ ნაყოფიერია. შეიძლება ითქვას, რომ ბრაზილიელს მეორე სუნთქვა გაეხსნა.

ფრაბოტა – 6.5 – ახალგაზრდა ფეხბურთელმა კარგი მატჩი ჩაატარა. საიმედოა დაცვაში და მაქსიმალურად ეხმარებოდა გუნდს შემტევ მანევრირებაში.

კიეზა – 6.5 – გიჟურ სიჩქარეზე მოქმედებდა პირველ ნახევარში. გენიალური გადაცემა მორატაზე, რომელიც გოლით დასრულდა.

ბერნარდესკი – 6 – 69 წუთიდან – ქაოტურ პერიოდში შემოვიდა, როდესაც გუნდი თამაშის დალაგებას ცდილობდა. ასწრებს სამ გამჭოლ გადაცემას ფლანგიდან და ერთ-ერთზე დიბალა გოლთან საკმაოდ ახლოს იყო.

არტური – 6 – ბევრი მოძრაობა და ზონებს შორის გადაცემები.. ართმევაზეც კარგია, მაგრამ მისგან გაცილებით მეტს ელიან.

ბენტანკური – 62 წუთიდან – 5.5 – ურუგვაელი ძირითადად საკუთარ ნახევარზე მიმდინარე პროცესებში იღებდა მონაწილეობას..

რაბიო – 6 – ბევრს იბრძვის.. იყო მიკრო შეცდომები, თუმცა მაქსიმალურად ცდილობდა ნახევარდაცვაში საჭირო ცეცხლის დანთებას და ცენტრიდან რაიმე ღირებულის შექმნას. მძიმე მატჩი გამოდგა ბრძოლის და ენერგიის თვალსაზრისით.

რემზი – 5.5 – მისი პოზიცია მოედანზე ბევრ კითხვებს სვამს.. საკმაოდ შორს იყო იმ არეალიდან სადაც უელსელი გაცილებით სახიფათო შეიძლებოდა ყოფილიყო.

კულუსევსკი – 62 წუთიდან – 5.5 – საერთოდ არანაირი ზეგავლენა არ მოუხდენია თამაშზე.

დიბალა – 4.5 – ეს იყო შეხვედრა სადაც რონალდუს გარეშე დარჩენილ გუნდს, ესაჭიროებოდა ლიდერი კონკრეტულ ეტაპზე. არგენტინელმა ვერც ამჯერად მოახერხა ამ ფუნქციის შესრულება.. უშვებს ორ იდეალურ მომენტს გოლის გასატანად..

მორატა – 6.5 – მორიგი გოლი.. ბევრი ბრძოლა და დაუღალავად გადაადგილება თავდასხმის მთელს პერიმეტრსა და არა მარტო.. ბოლოს ნერვებს ვერ თოკავს და მსაჯისგან წითელი ბარათით დასაჩუქრდა.