ამორუზო:”ანდრეა, პრობლემებს თვალი უნდა გაუსწორო”

იუვენტუსის ექს ფორვარდი ნიკოლა ამორუზო ბიანკონერის ასპარეზობაზე საუბრობს:

“ბარსელონასთან შეხვედრაში სხვა იუვენტუსს ველოდები, რადგან ასეთ დროს ფეხბურთელებს მოტივაცია განსაკუთრებუად აქვს გაზრდილი.

თუმცა, ეს არ ნიშნავს იმას, რომ პრობლემები უნდა დავივიწყოთ. პირიქით, ანდრეა პირლოს მისი გამოსწორება მართებს და რაც შეიძლება მოკლე პერიოდში.

გუნდმა ჯერ კიდევ ვერ იპოვა საჭირო თამაში, ხოლო გადაწყვეტილებების მიღების პროცესი არნახულად გაიწელა.

პირლო ტესტავს სხვადასხვა ვარიანტს, მაგრამ საქმეში ეს ისე გამოიყურება, თითქოს ყველაფერი ერთ სრულყოფილ მოთამაშეზე და მის მოქმედებებზეა დამოკიდებული.

ტურინული დერბისგან მეტს ველოდი.. უფრო სწორედ რომ ვთქვა, გარკვეული იმედგაცრუება დამეუფლა, როდესაც ასეთ სტილში მოთამაშე გუნდი ვნახე. პირველი 45 წუთის განმავლობაში იდეა საერთოდ არ იგრძნობოდა.”