Tuttosport -ი სავარაუდო სასტარტოს აქვეყნებს

დღეს, ტურინში ძალიან საინტერესო შეხვედრა გაიმართება, რომელშიც ერთმანეთის პირისპირ ჩვენი დროით 21:30 -ზე იუვენტუსი და ატალანტა წარსდგებიან.

მაშინ როდესაც ბერგამოელებს შიდა პრობლემები აქვთ, რომელიც გამოწვეულია მთავარ მწვრთნელსა და გუნდის კაპიტანს შორის არსებულ არაჯანსაღ ურთიერთობაში, ტურინელები პირიქით პოზიტიურ ტალღაზე იმყოფებიან და სურთ ეს წარმატებული გზა მეტად გააგრძელონ.

Tuttosport -ის მტკიცებით, ბიანკონერი კვლავინდებურად 4-4-2 სქემით იასპარეზებს, რომელიც ტურინელთა შეტევისას ფორმირდება 3-4-1-2 –დ, ხოლო მეტოქის პოზიციური შეტევის დროს ზემოთხსენებულ 4-4-2 მოდულზე დგება.

კარს ამჯერადაც პოლონელი ვოიცეხ შესნი დაიცავს.

მარჯვენა ფლანგზე ხუან კუადრადო იქნება. სხვათაშორის მასთან დაკავშირებით სიახლეებია. კოლუმბიელის კონტრაქტი ძალაში 2022 წლამდე არის და კლუბის მის გახანგრძლივებაზე უკვე აქტიურად მუშაობს.

ცენტრალურ დუეტს ისევ და ისევ ლეონარდო ბონუჩი – მატეის დე ლიხტი შეადგენენ.

მარცხენა ფლანგზე ალექს სანდროს დასვენების საშუალებას მიცემენ. მას მისივე თანამემამულე დანილო შეცვლის.

შუახაზში მარჯვენა ფლანგზე აარონ რემზი იქნება. ეს ალბათ მეტოქის პოზიციური შეტევის დროს, რადგან როდესაც ბურთით იუვენტუსია, უელსელი ფორვარდებს უკან ირჯება.

მასთან ერთად ნახევარდაცვაში დიდი ალბათობით არტურს, უინსტონ მაკენს და ფედერიკო კიეზას ვიხილავთ.

თავდასხმაში სასტარტოში ალვარო მორატას დაბრუნებას უნდა ველოდოთ, რომელიც კრიშტიანო რონალდუს შეუწყვილდება.

თამაშის პირდაპირი ტრანსლაციის და ტურინელთა ოფიციალური სასტარტო შემადგენლობას მატჩის დაწყებამდე ცოტახნით ადრე ჩვენს საიტზე გამოვაქვეყნებთ.