იუვენტუსის ფეხბურთელების შეფასებები პარმას წინააღმდეგ

იუვენტუსმა პარმასთან შეხვედრაში ენიო ტარდინიზე დამაჯერებელ გამარჯვებას მიაღწია.

ტრადიციულად გთავაზობთ მატჩისშემდგომ შეფასებებს, რომელიც გამომცემლობა La Stampa -მ გამოაქვეყნა:

ბუფონი – 6.5 – 9162 დღის წინ შედგა პარმას მაისურით მისი დებიუტი და ჯიჯი ისევ კარშია, ყოფილი კლუბის წინააღმდეგ. საიმედო ასპარეზობა და დირიჟორობა მეკარის საჯარიმოდან.

დანილუ – 6.5 – საიმედო და პირლოს ტაქტიკაში ფარული ლიდერი, რომელიც მწვრთნელის დავალებებს იდეალურად ასრულებს.

ბონუჩი – 6.5 – განსხვავებით წინა შეხვედრისგან, ამჯერად ლეო საიმედოა ყველა მოქმედებაში და ირჯება როგორც ნამდვილი კაპიტანი.

დე ლიხტი – 7 – მისი დაბრუნების შემდეგ, იუვეს დაცვამ მეტი სიმყარე მოიპოვა. ფაქტია, ვან დაიკთან ერთად ჰოლანდიის ნაკრები მოახლოებულ სანაკრებო ევროპულ ფორუმზე ერთ-ერთ საუკეთესო ცენტრალურ დუეტს შექმნის.

ალექს სანდრო – 7 – საგოლე გადაცემა კულუსევსკიზე და საერთოდაც, გასულ მატჩში უფრო მეტად შეტევაზე იყო ორიენტირებული და დავალებას თავი კარგად გაართვა.

კულუსევსკი – 7 – ჩაგდებული შეხვედრების შემდეგ ბრუნდება და კარგ თამაშს აჩვენებს. პირლომ რამდენიმეჯერ თითიც კი დაუქნია, რათა შვედი ტაქტიკურ კურს არ გადახვეოდა.

მაკინი – 7 – უინსტონი 2020 წლისთვის ჯერ კიდევ რჩება საუკეთესო ამერიკელ ფეხბურთელად. გარანტი ყველა მოქმედებაში.

ბენტანკური – 7 – პარმას წინააღმდეგ ყველაფერს იდეალურად ასრულებს. დირიჟორობს გუნდის ტემპს და ეხმარება თანაგუნდელებს შემტევი ფეხბურთის კომბინირებაში.

რემზი – 7 – საგოლე გადაცემა რონალდუზე – ეს იყო უელსელის საუკეთესო კადრი იუვენტუსში.. მისი უდაოდ კარგი ვარიანტი. სულ უფრო და უფრო კარგად ჯდება ბიანკონერის სქემაში.

ბერნარდესკი – 68 წუთიდან – 6.5 – შემოდის და აკეთებს იდეალურ გადაცემას მორატაზე, რომელიც გოლით სრულდება. დიდი ალბათობით დატოვებს კლუბს, მაგრამ ჯერჯერობით ცუდად არ გამოიყურება.

მორატა – 7 – ჯერ რონალდუს გაატანინა, ხოლო შემდეგ თავადაც შეაგდო. ეს უკვე მისი მე-10 გოლია სეზონში.

რონალდუ – 7.5 – AIRRONALDO ფორმაშია! ორი გატანილი გოლით ყველას დაანახა, რომ არანაირი კრიზისი არა აქვს.

პირლო – 7.5 – ეს იყო იუვენტუსი რომელიც მას ყველაზე მეტად სურს.. გლობალური, ცივსისხლიანი და ძალიან კონცენტრირებული. დირიჟორი კარგი ორკესტრით.