იუვენტუსის ფეხბურთელების შეფასებები ფიორენტინასთან მატჩში

იუვენტუსმა ფიორენტინასთან შეხვედრაში სრული ფიასკო განიცადა. კლუბმა საკუთარ მოედანზე 0-3 დამარცხდა და პირლოსთვის მთავარი მწვრთნელის რანგში, ეს პირველი იმედგაცრუება გახდა.

გთავაზობ ფეხბურთელების შეფასებებს:

შესნი – 6 – ცოტა რამ თუ შეუძლია. პირველ ნახევარში კასტროვილს კარგი ბურთი აუღო, მაგრამ ალექს სანდროს ავტოგოლის შემდეგ ეს იუვენტუსის საბოლოო გათიშვა იყო.

კუადრადო – 3 – ასეთი გამოცდილი ფეხბურთელი მსგავს რამეს არ უნდა ჩადიოდეს. მან გუნდი უკვე მალევე დატოვა უმძიმეს სიტუაციაში და თითქმის 80 წუთი 10 კაცით ათამაშა კარგად ორგანიზებული გუნდის წინააღმდეგ, რომელსაც თავდაჯერებულობა სწრაფმა გოლმაც შემატა.

ბონუჩი – 4 – აბსოლუტური კატასტროფა! მარცხდება ყველგან და ყველაფერში. შესაძლოა უკანასკნელი 2 სეზონის განმავლობაში ეს იყო მისი ყველაზე ცუდი ასპარეზობა.

დე ლიხტი – 5 – ბონუჩიზე უკეთესია.. გარკვეული დროის შემდეგ უფრო თავდაჯერებული ხდება და ერთი-ერთზე თამაშსაც ასწორებს. თუმცა საერთო ქაოსიდან გამოსვლა მასაც უჭირს.

ალექს სანდრო – 5 – ავტოგოლში მისი დადანაშაულება რთულია.. კარისკენ მიმავალს, უბრალოდ მოხვდა ბურთი.. მესამე გოლზე კასერესის მისცა საშუალება თავი გამოეჩინა. ცდილობდა წინ რაიმეს შექმნას, თუმცა..

ბენტანკური – 5.5 – მცდელობა, მაგრამ ნაკლებად ეფექტურია. ცენტრში მოქმედებდა და უჭირდა ტემპის დაჭერა და სტაბილურობის შენარჩუნება.

მაკენი – 6 – ცდილობდა თანაგუნდელებისთვის ხელსაყრელი ვარიანტის შექმნას რათა შეტევა განვითარებულიყო. რამდენიმე კარგი ართმევა და მოქმედება. მეორე ნახევარში თითქოს გაქრა.

კულუსევსკი – 73 წუთიდან – 5 – ვერანაირ ზეგავლენას ვერ ახდენს მატჩზე. მის პერიოდში გაიტანა ფიორემ ბოლო ორი ბურთი.

რემზი – შეფასების გარეშე – კუადრადოს წითელს მისი მოედნიდან გაყვანა გამოიწვია. ეს გადაწყვეტილება ბევრ კითხვის ნიშანს სვამს. თუმცა უელსელი მშვიდად იღებს მწვრთნელის გადაწყვეტილებას.

დანილო – 6 – 20 წუთიდან – თავდაჯერებულია და არ უშვებს უხეშ შეცდომებს. მეორე ტაიმში კიდევ უფრო აქტიურობს.

კიეზა – 6 – იუვენტინოებისგან ამ საღამოს უდაოდ საუკეთესო იყო. ბევრს მოძრაობდა და მზად იყო ყველასთვის გაეწვდინა დახმარების ხელი. ორჯერ თავადაც ქონდა შანსი..

რონალდუ – 6 – კოლუმბიელის გაძევების შემდეგ პორტუგალიელმა გუნდის მხრებით წაყვანა განიცადა.. მუდმივად აფხიზლებდა და კონცენტრირებისკენ მოუწოდებდა. რამდენიმე ინდივიდუალური მოქმედებაც შეასრულა, თუმცა.. ეს კოშმარი მასაც შეეხო.

მორატა – 5 – აქტიურად იწყებს, მაგრამ სიტუაციიდან გამომდინარე სხვა როლში უწევს გადასვლა, რაც მისი ბრალი ოდნავადაც არ იყო.

ბერნარდესკი – 46 წუთიდან – 5.5 – დამუხტულია და კონცენტრირებული. მოედანზე დიდი შემართებით შევიდა. მაქსიმალურად ცდილობდა, მაგრამ თანაგუნდელები არ შეხვდნენ მას ასეთივე ენთუზიაზმით. 11-იანი მოიპოვა, მაგრამ არ დანიშნეს..