ანდრეა პირლო უდინეზესთან მატჩზე საუბრობს

ანდრეა პირლო შედეგით კმაყოფილი დარჩა, თუმცა აღნიშნავს რომ ეს არ იყო იდეალური მატჩი:

“ფიორენტინასთან კვალი იგრძნობოდა, რამაც რიგ შემთხვევებში შიშის ეფექტი დატოვა. თუმცა, საკმარისი იყო შეტევაზე გადავსულიყავით და ყველაფერი თავის ადგილას დგებოდა. 

თითოეულ შეხვედრაში მინდორზე მხოლოდ გამარჯვებისთვის გამოვდივართ. ჩვენ ახლა წინ უშუალო კონკურენტებთან მოგვიწევს დაპირისპირება. ეს იქნება რთული მატჩები და მათ სათანადო დონეზე მომზადებულები უნდა შევხვდეთ.

ფედერიკო კიეზა ყოველთვის თამაშობს ერთსა და იმავე პოზიციაზე.. იწყებს ესტერნოდ, ხოლო შემდეგ გუნდს როგორც დაჭირდება ისე ირჯება.. ეძებს სივრცეს და ქმნის პარტნიორებისთვის კომფორტულ სიტუაციას.

პაულო დიბალამ დღევანდელი შეხვედრა საოცრად ჩაატარა.. ვარჯიშებზე ის ნამდვილად ბრწყინავდა და ეს ყოველივე დღეს დაუფასდა. მას განსაკუთრებული მახასიათებლები აქვს, რითაც ალვარო მორატასგან განსხვავებულია..

გუნდი დიბალასთან და მორატასთან ერთად განსხვავებულ სტილში ირჯება. ალვაროსთან დაკავშირებით ჯერჯერობით არ მაქვს სანუგეშო ინფორმაცია. მილანთან დიდი ალბათობით არ იქნება, ხოლო რამდენი ხანი გაუცდება ჯერჯერობით ზუსტად არ ვიცი.

სატრანსფერო ფანჯარასთან დაკავშირებით, ყველაფერი კარგად უნდა ავწონ დავწონოთ.. ფაქტია, ცენტრალური თავდამსხმელის პოზიციაზე პრობლემებია, რომელიც ფიქრს საჭიროებს. ოლივიე ჟირუ? არიან პრეტენდენტები და უმჯობესია მოვლენების განვითარებას დაველოდოთ.

ადრიენ რაბიო მნიშვნელოვანი ფიგურაა და მისი დანაკლისი სახეზეა. თუმცა, მოგვიწევს რეგულაციებთან შეგუება, რომელიც მისთვის ორ მატჩიან დისკვალიფიკაციას გულისხმობდა.”