ანდრეა პირლოს წინასამატჩო პრესკონფერენცია

დღეს, ჩვენი დროით 23:45 -ზე ტურინელები დომენიკო დე ძერბის მიერ გაწვრთნილ სასუოლოს დაუპირისპირდებიან.

გთავაზობთ ანდრეა პირლოს წინასამატჩო პრესკონფერენციას:

“მილანთან გამარჯვება იყო ლამაზი და ამავე დროს მნიშვნელოვანი, მაგრამ თუ ჩვენ სასუოლოსთან იგივე შედეგს ვერ მივაღწიეთ, მაშინ ყველაფერი წყალში ჩაიყრება. 

ხშირად მესმის, თითქოს კონცენტრირება გვიჭირს შედარებით სუსტ გუნდებთან.. ეს არ არის სწორი და არა აქვს მნიშვნელობა მინდორზე ბარსელონასთან ვიმყოფებით თუ რომელიმე სხვა კლუბთან. კლუბის მენტალიტეტი არ იძლევა საშუალებას გამარჯვების გარდა სხვა შედეგზე ვიფიქროთ.

ყოველთვის არის რაღაც რისი გაუმჯობესებაც საჭიროა. ამ მხრივ ფსიქოლოგიური თვალსაზრისით უკეთ გვჭირდება მომზადება. საკმარისია გოლი გავიტანოთ და რამდენიმე წუთი ღრუბლებში დავფრინავთ, იმის ნაცვლად რომ კონცენტრირება მოვახდინოთ. 

ჯორჯო კიელინი და მერიჰ დემირალი თავს ჩინებულად გრძნობად. თურქი უფრო მეტად, რადგან შეხვედრებიც შედარებით ბევრი აქვს ჩატარებული და არაა გამორიცხული სასუოლოსთან პირველსავე წუთებიდან ვიხილოთ.

კაპიტანს რაც შეეხებან პროცესი კარგად ვითარდება და სულ მალე ჯორჯოსაც შეეძლება მოედანზე გამოსვლა. 

ფედერიკო ბერნარდესკი არის ფეხბურთელი, რომელთან დაკავშირებით ყოველთვის ბევრი კითხვებია. მესმის, რომ ბოლო პერიოდში მისი დატვირთვა დიდი რაოდენობით ვერ მოვახერხე, მაგრამ გარწმუნეთ იგი ჩვენთვის მნიშვნელოვანი წევრია. თავს კარგად გრძნობს და სეზონის კონკრეტულ მონაკვეთში დიდ დახმარებას გაგვიწევს.

ფედერიკო კიეზას შესაძლებლობებში ეჭვი არასდროს შემპარვია. მას აბსოლუტურად ყველა კომპონენტში შეუძლია მომატება და სიმართლე ითქვას, ჯერ ბევრისთვის არ მიუღწევია.. თუმცა, ჩვენს წინაშეა ნამდვილი ჩემპიონის პროტოტიპი.. დანარჩენი მასსზეა დამოკიდებული.

ალვარო მორატა ვარჯიშობს, თუმცა განცალკევებით და ცოტას.. შევხედავთ რამდენად იქნება საშუალება, რომ სათადარიგოთა სკამზე მაინც გვყავდეს ამ შეხვედრაში.

სატრანსფერო ბაზარზე ჯერჯერობით ფორვარდის აუცილებლობას ვერ ვხედავთ.. თუ ასეთი ვითარება შეიქმნა, გადავხედავთ რისი განხორციელების შანსი გვექნება.

არტური საბედნიეროდ თავს კარგად გრძნობს. ატალანტასთან შეხვედრაში მიღებულმა დაზიანებამ სერიოზული არაფერი აჩვენა და ჩვენ მისი გამოყენება ახლა თავისუფლად შეგვიძლია. კიეზას ბარძაყზე ქონდა პრობლემა და ნემსის ერთი ჩხვლეტით ეს საკითხიც გადაიჭრა.”