იუვემ შესაძლოა არა ერთი, არამედ ორი ფორვარდი დაიმატოს

22 წლის ჯანლუკა სკამაკა რომელიც დღეისათვის ჯენოას ღირსებას იცავს, ძალზედ ახლოს არის ტურინულ გრანდში გადასვლასთან.

იუვენტუსი მეოთხე ფორვარდის ძიებაშია, მითუმეტეს პაულო დიბალას 20 დღიანმა ტრავმამ გუნდს ბაზარზე გასვლის აუცილებლად კიდევ ერთხელ თვალნათლივ დაანახა.

არსებული ფინანსური სირთულეების გამო, რომელიც პანდემიის გამო არის შექმნილი, ბუნებრივია კლუბები ბიუჯეტს მაქსიმალურად უფრთხილდებიან.

აქედან გამომდინარე შედგა საუბარი ფაბიო პარატიჩსა და ჯოვანი კარნევალეს შორის. საქმე იმაშია, რომ სკამაკა სასუოლოს საკუთრებაა და გენუელებთან არენდით ირჯება.

კარნევალი თავის მხრივ არაა წინააღმდეგი ფორვარდი დათმოს, მაგრამ კონტრაქტის მიხედვით არაა გამორიცხული საქმე 22 მილიონამდე ავიდეს სხვადასხვა პუნქტების ამოქმედებით.

ალტერნატივა? იუვე და სასუოლო ყოველთვის საუბრობდნენ ახალგაზრდა ფეხბურთელებზე.. ამჯერად ასეთი რუმინელი მცველი დრაგუსინია. ტანმაღალი მოთამაშე, რომელიც ანდრეა პირლოს ეპოქაში გამოჩნდა სხვა პრიმავერას მოთამაშეებთან ერთად.

ტურინს მისი საბოლოოდ დაკარგვა ნამდვილად არ უნდა და ამიტომაც განიხილავს განსხვავებულ ფორმულებს.

თავად აპენინური მედია ოპტიმისტურად უყურებს მოლაპარაკებებს და წესით, ყველაფერი მალე უნდა გაირკვეს.

პარალელურად არ წყდება საუბარი არკადიუშ მილიკზეც.. პოლონელს უკვე არაერთი სატრანსფერო ფანჯარაა რაც ტურინში ამაოდ ელიან.. წესით ეს საგა ზაფხულში მაინც უნდა დასრულდეს, როდესაც მილიკი თავისუფალი აგენტი გახდება და წესით იუვეში გადაბარგდება..

თუმცა, ბიანკონერი არ კარგავს იმედს, რომ ახლავე შეძლებს მის დამატებას.. ნაპოლის ბოლო შანსი აქვს რაიმე თანხა მაინც გამოიმუშავოს და ვნახოთ, შექმნილი კრიზისული სიტუაცია იმოქმედებს თუ არა აურელიო დე ლაურენტისზე.