ანდრეა პირლო ჯენოასთან მოახლოებულ სათასო მატჩზე

უკვე ხვალ – 13 იანვარს ტურინელებს მორიგ შეხვედრაში მოუწევთ მონაწილეობის მიღება.

ამჯერად საქმე იტალიის თასს ეხება სადაც ანდრეა პირლოს გაწვრთნილი გუნდი დავიდე ბალარდინის ჯენოას შეხვდება.

მატჩი ჩვენი დროით 23:45 -ზე დაიწყება.

ახლა კი თქვენს წინაშე მაესტროს ტრადიციული წინასამატჩო პრესკონფერენცია არის:

“ადამიანები უცნაურები ვართ.. იტალიის თასს თავიდან სერიოზულად არ აღიქვამენ, მაგრამ საკმარისია ფინალში გახვიდე და ყველა ბედნიერია.. 

ჩვენთვის ახალი ტურნირი იწყება და მისი კარგ ნოტაზე დაწყება ჩვენი ვალდებულებაა. ჯენოას სასახელოდ უნდა ითქვას, რომ ბალარდინის მოსვლამ გუნდი შეტევაში უკეთ აათამაშა. ასე რომ კონცენტრირების დაკარგვას ისინი ნამდვილად არ გვაპატიებენ.

მეეჭვება გენუელებმა ტაქტიკა ძირეულად შეცვალონ.. დიდი ალბათობით თავს 5 მოთამაშით დაიცავენ და არც ზედმეტ რისკზე წავლენ, რითაც საკუთარ ნახევარზე კონტრ შეტევებს აიცილებენ.

უაზრობაა ახლა დანაკარგებზე საუბარი. ჩემი მიზანია ამჟამინდელი შემადგენლობიდან საუკეთესოები გამოვარჩიო და მინდორზე გავამწესო. მაგალითად ჯორჯო კიელინი თავს გაცილებით უკეთ გრძნობს! კაპიტანი და ჯანლუიჯი ბუფონი აუცილებლად ითამაშებენ.

ფიორენტინა? ეს იყო კოშმარი მაგრამ გადატვირთული გრაფიკი და საშობაო აურზაური ყველაზე მოქმედებს.. უბრალოდ იმედი მაქვს, მსგავსი არასასიამოვნო ინციდენტები მიმდინარე სეზონში აღარ დაფიქსირდება. 

გარკვეულწილად ამ მარცხმა კიდევ უფრო მეტად შეგვკრა.. თითოეულმა გაითავისა ვალდებულება და შავ-თეთრი მაისურის ძალა. გაჩნდა პასუხის ხმამაღლა გაცემის დიდი სურვილი! ეს კი სტაბილური შედეგით არის მიღწევადი და ამისთვის ბევრს ვშრომობთ.

ზუსტად ვიცით რისი მიღწევა გვსურს.. გვესმის რა პრობლემებიც გამოვიარეთ, როდესაც 90 წუთიან შეხვედრაში ხშირად ფიქსირდებოდა აღმასვლა და დაღმასვლა.. ენთუზიაზმი, მოტივაცია და სრულყოფებილსკენ სწრაფვის სურვილი ხელმეორედ დაიბადა, რაც დარწმუნებული ვარ სასურველ შედეგს მოგვიტანს.”