ანდრეა პირლო:”ჩემი გადაწყვეტილების ერთ-ერთი მიზეზი კონტეა”

ანდრეა პირლომ ტრადიციულ წინასამატჩო პრესკონფერენციაზე საკმაოდ დადებითად ისაუბრა ანტონიო კონტეზე:

“სეზონის წინაც ვსაუბრობდით და ერთმანეთთან მჭიდრო ურთიერთობას ვინარჩუნებთ. ჩვენ ერთმანეთის მიმართ უდიდესი პატივისცემა გაგვაჩნია.

არაფერია იმაში დასამალი, რომ ანტონიო კონტე იყო ჩემს კარიერაში პირველი, ვის გამოც მწვრთნელობა მოვისურვე. მისგან ბევრი რამ ვისწავლე და ყოველთვის მადლობელი ვიქნები!

შესაძლოა ჩვენს შორის არსებული ასეთი მჭიდრო ურთიერთობა იმის დამსახურებაა, რომ საკმაოდ განსხვავებულები ვართ. ამ ფაქტორმა დადებითად იმოქმედა და პირველსავე დღიდან ერთმანეთს უსიტყვოდ გავუგეთ.

თუმცა, დერბი დ’იტალიაში ერთმანეთის პირისპირ წავრსდგებით და თითოეული ჩვენგანი გამარჯვებისთვის იბრძოლებს.

როგორც ყოველთვის აქტიურ და აგრესიულ ინტერს ველოდები, მაგრამ სან სიროზე საკუთარი ფეხბურთის სათამაშოდ ჩავალთ. გვაქვს იდეები, რომლის რეალიზებისთვის მაქსიმუმს გავიღებთ.”