პისტოჩი:”მთავარი დამნაშავე ანიელი და პარატიჩია”

დღეს, ცივ გონებაზე იტალიელი ჟურნალისტები ინტერი – იუვენტუსის მატჩზე საკუთარ შთაბეჭდილებას გვიზიარებენ.

ასე მაგალითად Mediaset -ის წამყვანი მაუირისიო პისტოჩი დამნაშავედ არა ანდრეა პირლოს არამედ..:

“ყველანი მაესტროსკენ იშვრენ ხელებს.. მესმის, რომ სუფთა ტაქტიკური თვალსაზრისით მთავარ მწვრთნელთან არის გარკვეული კითხვები.. მას შეეძლო სხვა მოდულით და განსხვავებული შემადგენლობით მინდორზე გამოსვლა.

ასევე უპრიანი იქნებოდა, მეორე ტაიმის დასაწყისშივე მომხდარიყო ცვლილებები, თუმცა ეს უკვე სპორტული ასპექტია რაც ცალკე განსჯის ამბავია.

პირადად ჩემი მოსაზრებაა, რომ ამ ყველაფერში მთავარი დამნაშავეები ანდრეა ანიელი და ფაბიო პარატიჩი არიან. ეს სწორედ მათ მიერ გადადგმული ნაბიჯების შედეგია. 

ჯერ კიდევ მაშინ როდესაც ჯუზეპე მაროტასთან კონტრაქტი არ გახანგრძლივდა, უკვე გაჩნდა მოსაზრებები რომ ტურინში სიტუაცია არცთუ ისე ჯანსაღად გამოიყურებოდა. მათ დაითხოვეს ბოლო წლების ერთ ერთი საუკეთესო მენეჯერი, რომელმაც გუნდი ფერფლიდან ამოიყვანა და ფინანსურადაც წელში გამართა.

ასე რომ ჯობს მეტად მასშტაბურად შეხედოთ პრობლემებს, რომელიც ახლა ტურინშია.. ეს დაიწყო წლების წინ და გუნდი ახლა იმკის მწარე შედეგს.”