ანდრეა პირლო ნაპოლისთან მოახლოებულ მატჩზე

ხვალ, ჩვენი დროით 0:00 -ზე იტალიის სუპერ თასსზე ერთმანეთის პირისპირ იუვენტუსი და ნაპოლი წარსდგებიან.

ანდრეა პირლო საკუთარი გუნდისგან მაქსიმალურ კონცენტრირებას ელის:

“ინტერთან თამაშის განმეორება იქნება რთული, რადგან მსგავსი მატჩების შემდეგ შეუძლებელია მოედანზე გამოხვიდე და სისხლი არ გიდუღდეს. ჩემს კარიერაში ასეთი რამ არაერთხელ მოხდა, მაგრამ რეაქციაც არ აყოვნებდა.

აქედან გამომდინარე ხვალ ფეხბურთელებისგან სრულ კონცენტრირებას და ცივსისხლიანობას ველი! შემადგენლობის მხრივ არჩევანი ნამდვილად გვაქვს, ასე რომ უშუალოდ მატჩის წინ გადავწყვეტ შეტევაში დეიან კულუსევსკი გაირჯება თუ ალვარო მორატა.

ჯანლუიჯი ბუფონს გარკვეული პრობლემები აქვს, რის გამოც პირველსავე წუთებიდან კარს ვოიცეხ შესნი დაიცავს. 

საუბარი თითქოს ჩვენ რაიმე სახის მოტივაციის ნაკლებობა გვაქვს, არის სრული აბსურდი. შემთხვევით არ ხდება როდესაც გუნდი ზედიზედ 9-ჯერ იმარჯვებს.. ზუსტად ასეთივე შემართებით ვართ მე-10 ტიტულთან დაკავშირებითაც.

კლუბის გეგმა მარტივია – თითოეული ფეხბურთელისგან მაქსიმუმის ამოღება. სწორედ ასე შევძლებთ დასახული მიზნების მიღწევას!

ნაპოლი წლევანდელ სეზონს მაღალ დონეზე ატარებს. ეს არის გუნდი რომელსაც მშვენიერი შემტევი არსენალი და ძალზედ საიმედო დაცვის ხაზი გააჩნია. ამიტომაც უნდა გამოვიყენოთ ყველა ის შანსი რაც მოგვეცემა, რომელიც მერწმუნეთ ბევრი არ იქნება.”