ანდრეა პირლო ინტერთან მოახლოებულ მატჩზე

დღეს, ჩვენი დროით 23:45 -ზე იუვენტუსი იტალიის თასის პირველ 1/2 ფინალურ შეხვედრაში მილანის ინტერს დაუპირისპირდება.

გთავაზობთ ანდრეა პირლოს ტრადიციულ წინასამატჩო პრესკონფერენციას:

“მინდა ვიხილო გუნდი, რომელმაც ზუსტად იცის რა ძალას ფლობს! არ უნდა დაგვავიწყდეს, რომ ეს პირველი შეხვედრაა და წინ საპასუხო დაპირისპირებაც გველის. 

შემადგენლობაში ცვლილებები აუცილებლად შევა. მაგალითად მოედანზე პირველსავე წუთებიდან ვიხილავთ ჯანლუიჯი ბუფონს.. აარონ რემზი შეხვედრას კუნთის ტრავმის გამო გამოტოვებს.

მოცემულ შემადგენლობას ჯერ კიდევ აქვს ამბიცია იყოს საუკეთესო. მერწმუნეთ, ეს ყველაზე მთავარია და მისი დამსახურებით ყველაფერი შესაძლებელია.

ინტერთან მარცხმა ბევრი რამ გვასწავლა. როდესაც სათანადო დონეზე კონცენტრირებულები არ ვართ, გამოდის რომ მოედანზე არა იუვენტუსი, არამედ რომელიც სხვა გუნდია. 

საბედნიეროდ მარცხის შემდეგ სამ დღეში ნაპოლისთან მოგვიწია შეხვედრა. მოტივაცია ფინალის წინ გაიზარდა და ახლა მთავარია აღებული ტემპი შევინარჩუნოთ. სეზონის მეორე ნახევარი სულ ახლახანს დაიწყო და მოდუნება ყოვლად დაუშვებელია!

ინტერისგან ჩვეულ მატჩს ველით. ზუსტად ვიცით ანტონიო კონტესგან რას უნდა ველოდოთ. ბრწყინვალედ მოქმედებენ დაცვაში და სახიფათო კონტრ შეტევებით იწონებენ თავს. გულშემატკივრებს წინ საინტერესო 180 წუთი ან სულაც უფრო მეტი ელით.”