ფეხბურთელთა შეფასებები (ინტერი 1-2 იუვენტუსი)

იუვენტუსმა სან სიროზე იტალიის თასის პირველ 1/2 ფინალურ შეხვედრაში ინტერს 2-1 სძლია და ტურინული მატჩის წინ, კომფორტული გარემო შეიქმნა.

ორივე გოლი ტურინელთა რიგებიდან კრიშტიანო რონალდუს ანგარიშზეა.

ახლა კი გთავაზობთ ტრადიციულ შეფასებებს, რომელიც La Stampa -მ გამოაქვეყნა:

ბუფონი – 6 – ეს არ იყო მისი საღამო. ლაუტაროს შეცდომის შემდეგ, მალევე ბრუნდება, თუმცა მეორე ტაიმში მთელი რიგი პრობლემები ფიქსირდება.. სანჩესის ეპიზოდის დროს უბრალოდ გაუმართლა, როდესაც კარი დემირალმა იხსნა. ბრუნდება დარმიანის ეპიზოდის დროს.

კუადრადო – 7 – ადასტურებს კარგ ფორმას. უტევს, იცავს და ერთი სიტყვით აქტიურია მთელს სივრცეზე. სწორედ მასსზე ჯარიმას მოყვა ანგარიშის გათანაბრება.

დემირალი – 6.5 – იწყებს სუსტად.. მაგრამ რამდენიმე წუთის შემდეგ ხვდება სად იმყოფება და თამაში აქტიურად ერთვება. იწყება ნამდვილი ომი სანჩესთან.

დე ლიხტი – 6.5 – ჰოლანდიელი ადვილად აძლევს ლაუტაროს გოლის გატანის საშუალებას. ამის შემდეგ არგენტინელს გაქანების საშუალებას არ აძლევს, ისევე როგორც დანარჩენ ინტერისტებს.

ალექს სანდრო – 6 – დაცვაში პრობლემები აქვს.. თუმცა, შეტევაში გაცილებით აქტიურია.

მაკენი – 6.5 – უინსტონი ყველგან არის.. უტევს, ართმევს და ყოველთვის მზად არის შეტევის გამწვავებისთვის.

ბენტანკური – 6 – პირველ 45 წუთში სოლიდურად გამოიყურება, მაგრამ მეორე 45 წუთში ტემპს აგდებს და ნაკლებად შესამჩნევია.

რაბიო – 6.5 – ფრანგს ანდრეამ თავდაჯერებულობა შემატა და მანაც კარგად დაიწყო თამაში. უამრავ ბურთს უბრუნებს გუნდს და არც შეტევის განვითარების კუთხით მოიკოჭლებს.

ბერნარდესკი – 5.5 – მოტივირებულია.. თავის თავზე აღებასაც არ ერიდება, მაგრამ ამ ყოველივე სიზუსტე აკლია.

კულუსევსკი – 5 – ყველაზე სუსტი ტურინელთა რიგებიდან. ჩვეულად აქტიური ვერ არის.. ხშირად ცდება და ვერ ქმნის საჭირო სივრცეებს.

რონალდუ – 7.5 – არაფერს პატიობს.. ცივსისხლიანია და მცირე შანსაც გოლად აქცევს. სან სიროზე დაიპყრო და ტურინს საპასუხო მატჩის წინ იდეალური ატმოსფერო შეუქმნა.