ჯორჯო კიელინი:”მოედანზე ყველაფრის გაკეთება შემიძლია”

ჯორჯო კიელინისთვის ტოტენჰემთან მატჩი დაუვიწყარი გამოდგა:

“ბევრი მეკითხება ეპიზოდს, რომელმაც დიდი ბედნიერება მომანიჭა და ერთ-ერთი ასეთი 2018 წელს მოხდა, როდესაც ტოტენჰემს დავუპირისპირდით.

უდაოდ მძიმე გამოდგა ორივე შეხვედრა, რადგან მაშინ ლონდონელები ფანტასტიურ ფეხბურთს თამაშობდნენ..

89 წუთზე იყო მომენტი, რომელიც ჰარი კეინმა გოლად ვერ აქცია, რამაც დიდი შვება მომგვარა.. მატჩის დასრულების შემდეგ იყო გულმხურვალე ჩახუტება ანდრეა ბარძალისთან და ჯანლუიჯი ბუფონთან! აი ასეთი ეპიზოდები არასდროს დაგავიწყდება.

სამეული? ბარძალი გამორჩეულ ადგილს იკავებს! საოცრად მაღალი დონის მცველი იყო! თუმცა, რაღაც თვისებები რაც აქვთ დღეისათვის სერხიო რამოს და ვირჯილ ვან დეიკს არცერთ ჩვენგანს არ ქონია.

გაორება? დიახ, არის ასეთი რამ.. თითქოს ჩემში ცხოვრობს პიროვნება, რომელიც მოედანზე ყველაფერზე წამსვლელია.. ცხოვრებაში კი საკმაოდ მოკრძალებული და თავშეკავებული გახლავართ.

საფეხბურთო კარიერის დასრულება ცარიელი ტრიბუნების ქვეშ, არ იძლევა იმ ემოციას რაც ასე გვიყვარს.. თუმცა, ჯობს იყოს ეს ვიდრე საერთოდ არაფერი.. 

სუპერლიგა? ანდრეა ანიელის არაერთხელ ვუთხარი, რომ თითოეული მოთამაშის ოცნებაა ყოველ კვირას ბარსელონას, პსჟ-ს, რეალს ან მანჩესტერს ეთამაშოს. ფეხბურთისთვის და ზოგადად ფეხბურთელისთვისაც ეს საუკეთესო განვითარების საშუალება იქნებოდა.

ყოველთვის არის გზა, რომელიც გაძლევს განვითარების საშუალებას და აუცილებელია პროგრეს ფეხი აუყოლო.

მითუმეტეს კოვიდ სიტუაციამ ძალზედ საგანგაშო სიტუაციაში ჩაგვაგდო.. მოქმედების დროა.”