ფაბიო პარატიჩი:”ეს ძალიან მტკივნეული იყო”

• პროექტი, პირლო და მომავალი

• კრიშტიანო რონალდუ

• მარცხი ბენევენტოსთან

ბენევენტომ ბოლო გამარჯვება სერია ა-ში 6 იანვარს მოიპოვა და ტურინში გასამართ მატჩს მაინც და მაინც დიდი იმედით არ ელოდებოდა, თუმცა..

ფილიპო ინძაგის გუნდმა სტუმრად იუვენტუსი 0-1 დაამარცხა.. ანდრეა პირლოს გუნდისთვის ეს მორიგი დიდი იმედგაცრუება და ნამდვილი შოკია..

პირველი ჟურნალისტების წინაშე ტურინელთა სპორტული დირექტორი ფაბიო პარატიჩი წარსდგა:

“მოულოდნელი მატჩი აღმოჩნდა, რომელმაც გული გაგვიტეხა. ჩემი აქ ყოფნა აფიქსირებს იმ ფაქტს, რომ წლების მანძილზე იუვენტუსის ტიფოზერიას არაერთი დიდი გამარჯვება ვაჩუქეთ.

ახლა რთულ პერიოდს გავდივართ, მაგრამ ჩემპიონატი ჯერ კიდევ არ დასრულებულა და ახლა ჯობია კონცენტრირება მოახლოებულ დაპირისპირებებზე მოვახდინოთ.

კარგად უნდა გაავანალიზოთ შეცდომები, რომლებიც დავუშვით და მათ გამოსწორებაზე უფრო აქტიურად ვიმუშავოთ.

პროექტის თვალსაზრისით პირდაპირ გეტყვით, რომ აღებულ კურს ვაგრძელებთ. ჩვენ არსებული კურსი ორიოდე წლის წინ დავგეგმეთ და მას არაფერი ემუქრება.

მესმის, რომ ჟურნალისტები ხმაურიან განცხადებებს ელოდებით, მაგრამ რეალობა სრულებით სხვაგვარია. პროექტზე უკვე გავაკეთე კომენტარი და კიდევ ერთხელ მკაფიოდ გავუსვამ ხაზს – ზუსტად ვიცით რა მიმართულებით მივდივართ და დღევანდელი მარცხი ან მიმდინარე სეზონის წარუმატებლობა მას ვერაფერს დააკლებს.

კრიშტიანო რონალდუსთან მიმართებაში შემდეგი სიტუაცია სუფევს – კლუბი ინარჩუნებს მსოფლიოს საუკეთესო ფეხბურთელს!

კარგად უნდა გესმოდეთ, რომ ამ 11 წლის განმავლობაში რამდენიმე ციკლი გამოვიარეთ. კონტეს ეპოქიდან დაწყებული, როდესაც ლიგაზე გალათასარაისთან ჩავრჩით, თუმცა მომდევნო წელს ბარსელონასთან ჩემპიონთა ლიგის ფინალი ვითამაშეთ. ალეგრის წასვლის შემდეგ რთული გადაწყვეტილება მივიღეთ, მაგრამ გამარჯვებების გზა გავაგრძელეთ.

შესაბამისად დაზღვეული შეცდომებისგან არავინ არ არის, მაგრამ