იუვენტუსის საორიენტაციო სასტარტო შემადგენლობა ნაპოლისთან

იუვენტუსი ნაპოლის წინააღმდეგ.. ანდრეა პირლო კვლავინდებურად ყოფილი თანაკლუბელის წინააღმდეგ წარსდგება და ამჯერად მაინც ეცდება ჯენარო გატუზოს დამარცხებას..

მითუმეტეს ამ შეხვედრამ შესაძლოა მაესტროს მომავალზე დიდი ზეგავლენა მოახდინოს. გუნდი არასტაბილურად მოქმედებს და ქულების დაგროვება ძალიან უჭირს, რის გამოც დღეისათვის ნაპოლისთან ერთად 4-5 ადგილებს იყოფს..

ასე რომ ეს შეხვედრა ბევრი თვალსაზრისით განსაკუთრებულია.. იუვენტუსს ახლა კონკრეტული მიზანი აქვს – ჩემპიონთა ლიგის საგზური.. კალენდარი ნამდვილად რთულია და ახლა ბიანკონერის სრული მობილიზება მართებს..

შეხვედრა ჩვენი დროით 20:45 -ზე დაიწყება და ტრადიციულად საორიენტაციო შემადგენლობას გაგაცნობთ:

სქემა უცვლელია 4-4-2..

კარს პოლონელი ვოიცეხ შესნი დაიცავს, რომელიც პირლომ გუშინვე დაადასტურა.

მარჯვენა მცველის პოზიციაზე ხუან კუადრადო, ცენტრალურ დუეტს მატეის დე ლიხტი და ჯორჯო კიელინი შეადგენენ ხოლო მარცხნივ დანილო.

შუახაზში მარჯვნივ უინსტონ მაკენის ყველაზე კარგი შანსი აქვს.. ცენტრალურ ზონაში არტურ მელოსა და როდრიგო ბენტანკურს დუეტს მოიაზრებენ, ხოლო მარცხნივ ფედერიკო კიეზას.

შემტევ დუეტს ამ შეხვედრაში დიდი ალბათობით ალვარო მორატა და კრიშტიანო რონალდუ დააკომპლექტებენ.