გამოსყიდვა გაყიდვისთვის – უინსტონ მაკენის ისტორია

უინსტონ მაკენი არის ფეხბურთელი, რომელმაც მიმდინარე სეზონში ანდრეა პირლოს ხელმძღვანელობით საკმაოდ კარგი ფეხბურთი აჩვენა და კლუბის მესვეურები მის გამოსყიდვაში დაარწმუნა.

ამერიკელი ტურინელებს 18.5 მილიონი ევრო დაუჯდათ და მისი კონტრაქტი 2025 წლამდეა გათვლილი.

უინსტონის დადებითი თვისება, მისი უნივერსალიზმია – მიმდინარე სეზონში მან ნახევარდაცვის თითქმის ყველა რგოლში დამაჯერებელი თამაში აჩვენა.

თუმცა, ამ ყველაფრის მიუხედავად შუახაზელი არ შედის ხელშეუხელებში და პირიქით, მათ რიცხვში უფრო არის ვისი გაყიდვაც თითქოს იოლად ჩანს.

საქმე იმაშია, რომ ფინანსური კრიზისიდან და სხვასხვადასხვა გარემოებებიდან გამომდინარე, ბიანკონერი კაპიტალის გაზრდით არის დაკავებული..

სხვადასხვა ცნობებით მაკენის დამატება რამდენიმე პრემიერ ლიგის კლუბს სურს და მათგან ყველაზე აქტიური ლესტერია.

ბიანკონერი თავის მხრივ, არ იქნება წინააღმდეგი თუ ინგლისელებისგან 30-35 მილიონიანი წინადადება მიუვა..