იტალიელთა სავარაუდო სასტარტო ევროპის 2020 წლის ჩემპიონატის ფინალში

2020 წელი კაცობრიობას მაინც და მაინც კარგად არ გაახსენდება.. დღე, როდესაც დედამიწა გაჩერდა – ეს კინო ფილმი ალბათ ბევრს გაქვთ ნანახი და შესაძლოა გარკვეული პარალელიც გავავლოთ იმ რეალობაზე, რაც დღეს არის ჩვენს სამყაროში.

საბედნიეროდ ასე თუ ისე პოზიტიური პროცესები შეინიშნება.. დიახ, დაძრწის სხვადასხვა შტამი, მაგრამ ახლა სამყარო უფრო ინფომირებულია, არის ვაქცინები და მეცნიერებიც უფრო სწრაფი ტემპით ცდილობენ ვირუსთან გამკლავებას.

2020 წელი დაგვამახსოვრდა იმით, რომ ბევრი რამ გაჩერდა.. სახლში გამოვიკეტეთ და დიდი ღონისძიებები უვადოთ იდებოდა.. ასეთი იყო ევროპის 2020 წლის ჩემპიონატიც, რომელიც ზუსტად ერთი წლით გადაიდო და არავინ იცოდა 2021 -ში საერთოდ თუ ჩატარდებოდა..

საბედნიეროდ გაიმართა და ფეხბურთის ქომაგებმა ვფიქრობ ერთ-ერთი საუკეთესო სანაკრებო ტურნირი ვიხილეთ, რომელიც ბოლო წლებში ჩვენს თვალწინ ჩატარებულა.

ცალკე აღნიშვნის ღირსია იტალიელთა საოცარი პერფორმანსი პირველსავე მატჩში.. ყველანი სწორედ იტალიელების საოცარ ტემპზე, გადაადგილებაზე და სტილზე საუბრობდა. ეს იყო იტალია, რომელიც თამაშობს, ოცნებობს და იტანს!

და დღეს უემბლიზე დიდხნიანი პაუზის შემდეგ აძურის აქვს რეალური შანსი ევროპა იტალიური ფერებით შეღებოს! ნუ დაგვავიწყდება ის ემოციური ეპიზოდი რაც ლეონარდო სპინაცოლას ტრავმას მოყვა.. ლეო დღეს ლონდონშია გუნდთთან ერთად და მათ მოედნის მიღმა უგულშემატკივრებს! თუმცა ბიჭებს ის წამითაც არ დავიწყებიათ და ესპანეთთან მატჩის შემდეგ ვიდეო ზარის მეშვეობით ერთმანეთს ემოციებს უზიარებდნენ..

დიახ, ეს იტალიაა თავისი საოცარი სიყვარულით, ერთად დგომით და რომანტიზმით რომელიც ასე გვაგიჟებს მათ ვინც ამ ქვეყანას შორიდან ვუყურებთ.

მოდით ახლა ერთად ვნახოთ თუ ვინ იქნება ის 11-ეული რომელიც ანდიამო ა ლონდონ ბეპე-ს შეძახილით შეეცდება უემბლის მრავალრიცხოვანი ქომაგის თვალწინ ინგლისელთა დამარცხებას:

კარს არა თუ ერთ-ერთი საუკეთესო ახალგაზრდებს შორის მყოფი კარის დარაჯი, არამედ უკვე მსოფლიოს ერთ-ერთი საუკეთესო მეკარე ჯანლუიჯი დონარუმა დაიცავს.

რობერტო მანჩინი სქემის შეცვლას არც ახლა აპირებს და ჩვეულ 4-3-3 ვიხილავთ.. შესაბამისად მარჯვენა ფლანგზე ჯოვანი დი ლორენცო გაირჯება. ცენტრში მრავალ ბრძოლა გამოვლილი ბონუჩი-კიელინის კედელი აღიმართება, ხოლო მარცხნივ ემერსონ პალმერი.

შუახაზში მცველების წინ არქიტექტორად წოდებული ჟორჟინიო იმოქმედებს, რომელსაც ოქროს ბურთსაც კი უწინასწარმეტყველებენ თუ აძურიმ თასი მოიგო. მის მხარდამხარ “დატენილი მაუზერივით” მოქმედი ნიკოლო ბარელა და სიმფონიური ორკესტრის დირიჟორი მარკო ვერატი!

თავდასხმის ხაზში იტალიას ის ყავს ვისი იმედიც უნდა ქონდეს.. ის ვინც სხვაობას ქმნის და საერთოდ არა აქვს მნიშვნელობა წინ ვინ აღუდგება – ქალბატონებო და ბატონებო, ერთადერთი და განსაკუთრებული, იუვენტინო და დიადი ბაჯო & დელ პიეროს გზის პოტენციური გამგრძელებელი ფედერიკო კიეზა!

ბიანკონერის შემტევთან ერთად ინგლისელთა დაცვის ზღუდეების განგრევას ლაციოს ბომბარდირი ჩირო იმობილე და ნაპოლის სიამაყე ლორენცი ინსინიე შეეცდებიან!

მატჩი ჩვენი დროით 23:00 -ზე დაიწყება და ყველა იტალიის ქომაგს გისურვებთ დაუვიწყარ საღამოს და უსაზღვროდ დიდ პოზიტიურ ემოციას გამარჯვების შემდეგ!