სიტუაცია კიელინის და დიბალას კონტრაქტებთან მიმართებაში
ამ ეტაპზე იუვენტუსისთვის კონტრაქტების გახანგრძლივების კუთხით, დღის წესრიგში ორი მოთამაშის საქმეა.
პირველი ჯორჯო კიელინის ეხება, რომელიც ჯერ კიდევ უკონტრაქტოთ არის, მაგრამ ეს ხარვეზი მალე გამოსწორდება.
შესაძლოა უკვე დღეს გავრცელდეს ცნობა, რომ კიელინი ტურინში კიდევ ერთ სეზონს გაატარებს, რომელიც მისთვის რიგით მე-17 გახდება. მხარეებს შორის სრული ჰარმონია სუფევს და მხარეებ თანხმდებიან თანამშრომლობის გაგრძელებაზე.
მეორე კი პაულო დიბალა გახლავთ. Sportmediaset -ის ცნობით მხარეებს შორის ყველა წინაპირობა უკვე შექმნილი, რომ არგენტინელმა ტურინელებთან მომქედი კონტრაქტი 2025 წლამდე გაახანგრძლივოს. ამიტომაც მომავალ კვირას ამ მხრივ სიახლეებს უნდა ველოდოთ.
