ბუფონი:”ასეთი აღელვებული 15 წელია არ ვყოფილვარ”

ჯანლუიჯი ბუფონის თავგადასავალი სერია ბ-ში დაიწყო. მან და მისმა პარმამ ფროსინონესთან სტუმრად გამართული მატჩი ფრედ 2-2 დაასრულეს.

მატჩის შემდეგ ჟურნალისტები ჯიჯის ესაუბრნენ:

“რაც უფრო ასაკში ხარ, მით უფრო ემოციური ხდები. უკვე 15 წელია ასეთი აღელვებული არ ვყოფილვარ და ამის მიზეზი მრავლად მაქვს.

მესმის, რომ აქ ჩემგან ბევრს ელოდებიან.. მათ ჩემი იმედი აქვთ და მაქსიმუმს გავიღებ გუნდის საკეთილდღეოდ.

იმასაც კარგად ვაცნობიერებ, რომ ყველას ელიტაში დაბრუნება წყურია, თუმცა ეს იოლი არ იქნება. ამისთვის ბევრი შრომა და დიდი მსხვერპლის გაღება გახდება საჭირო. წინ რთული გზა გველოდება.”