კოლო მუანი თუ ზირკზე?

ტურინის „იუვენტუსი“ ზამთრის სატრანსფერო ფანჯრისთვის შემტევი ხაზის გაძლიერებას აქტიურად ცდილობს. როგორც გამოცემა Sportmediaset იტყობინება, კლუბის პრიორიტეტების სიაში ცვლილებებია, თუმცა მთავარი სამიზნე კვლავ უცვლელი რჩება.

კოლო მუანი – ნომერ პირველი სამიზნე ტურინელთა სიის სათავეში კვლავ „პსჟ“-ს თავდამსხმელი, რანდალ კოლო მუანია. თუმცა, ფრანგი ფეხბურთელის ტრანსფერი რთულად შესასრულებელ მისიად მიიჩნევა. მოლაპარაკებების პროცესში ერთ-ერთი მთავარი ბარიერი კონკურენცია და პარიზული კლუბის მაღალი მოთხოვნებია.

გეგმა B: ჯოშუა ზირკზეს დაბრუნება სერია A-ში? იმ შემთხვევაში, თუ კოლო მუანის ტრანსფერი ჩაიშლება, „ბიანკონერი“ მზად არის „მანჩესტერ იუნაიტედის“ ნიდერლანდელ ფორვარდზე, ჯოშუა ზირკზეზე გადაერთოს. „ბოლონიას“ ყოფილი ვარსკვლავი „წითელი ეშმაკების“ ახალი მწვრთნელის, მაიკლ კერიკის გეგმებში ნაკლებად ფიგურირებს.

ზირკზეს მდგომარეობას ამჟამად რამდენიმე ფაქტორი ართულებს:

• ტრავმა: ფეხბურთელმა ბოლო მატჩები წვივის კუნთის დაზიანების გამო გამოტოვა.

• სატრანსფერო პირობები: „იუნაიტედი“ უბრალო იჯარას არ განიხილავს. ინგლისელები ითხოვენ ძვირადღირებულ იჯარას გამოსყიდვის სავალდებულო პირობით.

შეძლებს თუ არა ოტოლინი იტალიაში ერთ-ერთი ყველაზე ნიჭიერი თავდამსხმელის დაბრუნებას, ამას უახლოესი კვირები აჩვენებს.