მარკიზიო :”წლის მატჩი გველის”

“მიუხედავად იმისა, რომ მეტოქეს კარგად ვიცნობთ ჩვენ განვაგრძობთ მომზადებას. ამას ვაკეთებდით გუშინ, დღეს და ხვალეც. პირველი მატჩიდან გამომდინარე ნათელია, რომ მეტოქე აგრესიულ პრესინგს სთავაზობს საკუთარ მეტოქეს და პრაქტიკულად არ უტოვებს ცარიელ სივრცეებს. კომპაქტური გუნდია, რომელსაც შეუძლია იდეალურად დაიცვას თავი და მოულოდნელად გადავიდეს მასირებულ კონტრ იერიშზე. სწორედ ერთ-ერთ ასეთს მოჰყვა ჩვენს კარში გატანილი ბურთი. ვფიქრობ, ესპანეთში გამართულმა მატჩმა ცხადყო, რომ შეგვწევს ძალა ლიგის ფინალისტს თანაბრად ვეთამაშოთ”– საუბრობს წინასამატჩო პრესსკონფერენციაზე ბიანკონერის ნახევარმცველი კლაუდიო მარკიზიო.

“არ უნდა დაგავიწყდეთ, რომ მეტოქემ, მხოლოდ ერთი ბურთი გაუშვა ლიგის გათამაშებაში და ისიც ოლიმპიაკოსის კარში, რომელიც დათმო. შიდა ასპარეზზე კი 10 მოგება აქვს. ესპანელები ჩინებულ ფორმაში იმყოფებიან. მიუხედავად დანაკლისისა, რომელიც სიმეონეს გუნდს მირანდის და ანსალდის სახით ჰყავთ, მათ არ გაუჭირდებათ მოთამაშეების შეცვლა. ბუნებრივია ურთულესი დაპირისპირება გველის, მაგრამ ვფიქრობ მოედანზე, როგორც ყოველთვის მხოლოდ გამარჯვებისთვის უნდა გავიდეთ”.

“არ მსიამოვნებს ფრაზები თითქოს ევროპაში ნაკლებად საინტერესონი ან შედეგიანები ვართ, რადგან პირველ სეზონში 1/4 ფინალამდე გავედით. ევროპა ლიგაზე კი ნახევარფინალში მივიღეთ მონაწილეობა და ვფიქრობ ეს არ არის ურიგო შედეგი. იმ შემთხვევაში თუ განვაგრძობთ მოძრაობას ეს რა თქმა უნდა პროგრესი იქნება. ეს არის წლის მატჩი და ჩვენი სეზონის უმნიშვნელოვანესი შეხვედრა, ამიტომ კონცენტრირება დღევანდელზე უნდა გაკეთდეს და არა წარსულზე”.

წყარო: ტურინის “იუვენტუსის” ოფიციალური ვებ გვერდი