ანდრეა პირლო მილანთან მატჩზე

ანდრეა პირლო კმაყოფილი დარჩა საკუთარი შეგირდების ასპარეზობით მილანელთა წინააღმდეგ.

შეხვედრა ტურინელთა გამარჯვებით 3-1 დასრულდა:

“ოდნავადაც არ გვაინტერესებდა ჩვენს გარდა ამ ტურში ვინ რა შედეგს მიაღწევდა. ეს იყო პრინციპული დაპირისპირება, რომლის მოგება აუცილებელი გახლდათ!

მთავარია გუნდმა ძლიერი სულისკვეთება დამანახა, რომელსაც სურს მატჩზე კონტროლის დაწესება და განსაკუთრებით სერია ა-ს ლიდერთა წინააღმდეგ.

ყველამ კარგად ვიცით რაოდენ ძლიერია თეო ერნანდესი.. მას ბევრ პლიუსთან ერთად ერთი-ერთზეც პროდუქტიულად შეუძლია ასპარეზობა.. აქედან გამომდინარე ფედერიკო კიეზა მას განსაკუთრებულ ყურადღებას აქცევდა და გაქანების საშუალება არ დაუტოვა.

როდრიგო ბენტანკურს რთული მატჩი გამოუვიდა, სადაც ბევრი ენერგია დახარჯა.. იყო რისკი რომ მეორე ყვითელს მიიღებდა და ამიტომაც გადავწყვიტე მისი თამაშიდან მოხსნა.

კალაბრიას გოლზე რა უნდა ითქვას. ეს 100%-იანი ჯარიმაა და მთავარ მსაჯს გამეორების ნახვა მართებდა. დანილოს კი ასეთ დროს მეტი აგრესიულობა უნდა გამოემჟღავნებინა.

პაულო დიბალა? საბედნიეროდ გუნდში უამრავი მაღალი დონის მოთამაშეა და არჩევანის გაკეთება მშვიდ გარემოშია შესაძლებელი.

ჩვენთვის ფუნდამენტურია დიბალას სრულ 100%-იან კონდიციებში დაბრუნება. ის ჯერ კიდევ არაა სასურველ ფორმაში, რადგან გარკვეული პრობლემები აქვს.. მისი კონტრაქტი? ამ კითხვაზე მე ვერანაირ პასუხს ვერ გაგცემთ, რადგან აღნიშნული საკითხი სხვის კომპეტენციაშია.

ადრიენ რაბიო? ორ მატჩიანი დასვენების შემდეგ მისი სასტარტოში გამწესება გადავწყვიტე, რადგან ფიზიკურად თავს სხვებზე უკეთ გრძნობდა. ეს არის Box To Box ტიპის ძლიერი შუახაზელი, რომელსაც ჯერ კიდევ არა აქვს სრული პოტენციალი გამოვლენილი.”