იუვენტუსი ახალ სეზონს იწყებს

დღეს ტურინის იუვენტუსი ახალ 2011/12 სეზონს დაიწყებს . ფეხბურთელები სამედიცინო შემოწმებას გაივლიან ,  ტურინის სპორტულ  სამედიცინო ინსტიტუტში . სწორედ დღეს გახდება ცნობილი იმ ფეხბურთელების ვინაობა , რომლებიც ბარდონეკიუში გაემგზავრებიან . ტურინში ათამდე ფეხბურთელი დარჩება და მათ შორის არიან : ალმირონი , ტიაგო , პასკუატო , ეკდალი და ჯანდონატო .  დღევანდელი ღონისძიებები ამით არ სრულდება . თბილისის დროით 19 : 00 ზე , კლუბი ოფიციალურად წარადგენს ახალ მაისურებს , რომლითაც მოახლოებულ სეზონში იასპარეზებს . ეს ყოველივე კი , ბებერი ქალბატონის  ახალ არენაზე გაიმართება , რომელსაც გუნდის პრეზიდენტი ანდრეა ანიელი და გენერალური დირექტორი ჯუზეპე მაროტაც დაესწრებიან . ფორმებს კი  წარადგენენ ალესანდრო დელ პიერო და ბიანკონერის ახალწვეული ანდრეა პირლო , რაც შეეხება მეკარის ფორმას , მას სავარაუდოდ ჯანლუიჯი ბუფონი წარმოგვიდგენს .

უკვე ხვალ ფეხბურთელები ბარდონეკიუში გაემგზავრებიან , სადაც წინასასეზონო მომზადებას გაივლიან . 11 ივლისს კი გუნდი ოფიციალურად წარსდგება საკუთარი გულშემატკივარის წინაშე .

წყარო : Tuttosport