პეპე კონტეს მადლიერია …

მიმდინარე სეზონში , ხუთი ჩატარებული მატჩის შემდეგ სერია ა-ში , ბიანკონერი პირველ საფეხურზე იმყოფება . ჯერ ჯერობით , ტურინელები დაუმარცხებლები არიან და საკმაოდ კარგ შთაბეჭდილებასაც ტოვებენ . სიმონე პეპე კი დარწმუნებულია , რომ გუნდი რომელსაც ანტონიო კონტე ხელმძღვანელობს , სწორ გზაზე იმყოფება …

” გეთანხმებით , შედეგი მართლაც მშვენიერია , მაგრამ უმჯობესია თუ რეალისტებად დავრჩებით და ეიფორიაში არ ჩავარდებით . რას ვფიქრობ საკუთარ ასპარეზობაზე ? უმჯობესი იქნება , თუ ამაზე სხვები ისაუბრებენ . ჩემთვის მთავარია როგორ ასპარეზობს უშუალოდ გუნდი და გამომდინარე ბოლო დროინდელი შედეგისა , კმაყოფილების გრძნობა მეუფლება . სკუადრა აძურა ? ნებისმიერი იტალიელი ფეხბურთელის ოცნებაა , საკუთარი ქვეყნის ნაკრებში ასპარეზობა და ევროპის ჩემპიონატზე გამგზავრება , მაგრამ ჯერ ჯერობით მხოლოდ ” იუვენტუსის ” მატჩებზე ვარ კონცენტრირებული ” .

პეპეს წარმატებულ სტარტში , ანტონიო კონტეს წვლილი ძალზე დიდია …

” როდესაც სატრანსფერო ფანჯრის პერიოდში , დადიოდა ხმები ჩემი ტრანსფერის შესახებ ” ზენიტში ” , კონტე შემხვდა და მითხრა , რომ არსად არ წავიდოდა , რადგან წინ ბევრი სამუშაო გველოდა . ის ხშირად გვესაუბრება ფეხბურთელებს სხვადასხვა თემებზე და ამის გამო ძალიან ვაფასებთ  მას . ბუნებრივია მწვრთნელის სიტყვებმა და ნდობამ , სასურველი შედეგი იქონია და წარუმატებელი სეზონის შემდეგ , კვალავ ვირწმუნე საკუთარ ძალებში ” .

კონტემ დიდი ეფექტი მოახდინა გუნდზე და მას გამარჯვებულის მენტალიტეტი შემატა …

” ჩვენი წარმატების მთავარი საიდუმლო გახლავთ , ინტენსიურ მუშაობაში . სწორედ მუშაობა გვმატებს ენერგიას და პლიუს რა თქმა უნდა მთავარი მწვრთნელის რჩევა დარიგებები , რომლისგანაც ბევრ რამეს ვსწავლობთ . სწორედ მან იცის , თუ რა გზით უნდა მივაღწიოთ კონკრეტულ მატჩში გამარჯვებას . რომელ პოზიციაზე დავასრულებთ ჩემპიონატს ? არ ვიცი , მაგრამ აუცილებელია იგივე სულისკვეთებით ასპარეზობა , რითაც აქამდე ვთამაშობდით . ნებისმიერ მეტოქესთან , ” სუსტებთანაც ” კი .  არ ვფიქრობ , რომ მილანთან დაპირისპირების შემდეგ გაგვიჭირდება ეიფორიიდან გამოსვლა . გუნდი საბრძოლველად არის განწყობილი და ასე გაგრძელდება ჩემპიონატის დასრულებამდე ” .

წყარო : ტურინის იუვენტუსის ოფიციალური ვებ გვერდი