მაროტა : “კონფლიქტი გუნდის არცერთ ფეხბურთელთან არ გვაქვს”

მილოშ კრასიჩი Juventus Club Mottarone – ს მიერ დაწესებული პრიზის, Castagno d’Oro – ს მფლობელი გახდა.ჯუზეპე მაროტამ სერბის გარშემო შექმნილ სიტუაციაზე ისაუბრა : “მილოშის აგენტთან არ მისაუბრია, თუმცა ბუნებრივია, მისი სიტყვები მოულოდნელი იყო.კრასიჩთან ხშირი კონტაქტი გვაქვს, მას კი კლუბის დატოვების სურვილი არ გამოუთქვამს.ამ მომენტისთვის სერბი ძირითად შემადგენლობაში ვერ ხვდება, ამის მიზეზი კი ის არის, რომ მისი თანაგუნდელები უკეთეს სათამაშო ფორმაში იმყოფებიან.კონფლიქტი კლუბის არცერთ ფეხბურთელთან არ გვაქვს.როცა სატრანსფერო ფანჯარა გაიხსნება, მზად ვართ კრასიჩთან დაკავშირებით ყველა წინადადება განვიხილოთ, მაგრამ ამ მომენტისთვის, მოლაპარაკებები ნამდვილად არ მიმდინარეობს.”

იანვრის სატრანსფერო ფანჯრის გახსნამდე სულ უფრო და უფრო ცოტა დრო რჩება : “ამ დროისთვის მოგვარებული არცერთი ტრანსფერი არ გვაქვს.იანვრის მოახლოებისას ანტონიო კონტეს შევხვდებით, მის მოთხოვნებს გავეცნობით და ყველაფერს გავაკეთებთ, რათა სასურველი ფეხბურთელები დავიმატოთ.ზამთარში იუვენტუსი მეგა ტრანსფერს არ განახორციელებს, მაგრამ კარგი მოთამაშეები ბებერ ქალბატონში აუცილებლად ჩაერიცხებიან.გუნდს მისი პრინციპი აქვს, რაზეც მე და ჩემი კოლეგები შეთანხმებულნი ვართ.”

ინტერვიუს ბოლოს სპორტულმა დირექტორმა კლუბში შექმნილ ვითარებაზეც გააკეთა კომენტარი : “ახლა იუვენტუსში ყველა ბედნიერია, მაგრამ სავარაუდო შეფასებები მხოლოდ სეზონის ბოლოს გაკეთდება.დრო გადის, გუნდი იმარჯვებს.კლუბის ფეხბურთელებს, სამწვრთნელო შტაბსა და ხელმძღვანელობას შორის შესანიშნავი ურთიერთობაა, იმედი მაქვს, ეს ყველაფერი ჩვენს მიზნებზეც აისახება.”

წყარო : Juventus.com