ბონუჩი : “პრანდელი ძალიან მაგონებს კონტეს”

იტალიის ეროვნული ნაკრების წარმატებით გახარებული ლეონარდო ბონუჩი ტურინის “იუვენტუსს” არ ივიწყებს : “პრანდელი ანტონიო კონტეს მახსენებს, მსგავსი მეთოდით ვვარჯიშობთ, ვიდეო გაკვეთილების საშუალებით მეტოქეებს უკეთ შევისწავლით და ყურადღებას თითოეულ დეტალზე ვამახვილებთ.ის, რომ დღეს ეროვნული ნაკრების წევრი ვარ, სწორედ “იუვენტუსის” დამსახურებაა, რთულ პერიოდში ეს გუნდი გვერდით ამომიდგა და კონტრაქტი გამიხანგრძლივა.ბრიტანელები იტალიურ სტილში თამაშს მიჩვეულნი არიან, ეს ფაბიო კაპელოსა და სხვა იტალიელი სპეციალისტების დამსახურებაა.კარგი დაცვა და ორგანიზებული შეტევა, რთული მატჩი გველის.”

“რაც შეეხება ბალოტელის გოლის ეპიზოდს, პირზე ხელი ავაფარე, რადგან შევამჩნიე, რაღაცის თქმას აპირებდა.სიტუაცია მალევე მოგვარდა და ცენტრისკენ გავეშურეთ, მესამე გოლის გატანა გვინდოდა, რადგან ხორვატიას ესპანეთთან ანგარიშის გათანაბრება შეეძლო.გასახდელში მარიომ მადლობა გადამიხადა.მას კარგად ვიცნობ, “ინტერის” პრიმავერაში ერთად ვთამაშობდით.ბალოტელის სიმშვიდისკენ მოვუწოდებ, ამ შემთხვევაში ყველაფერი უკეთ გამოუვა.შეუძლია გახდეს გმირი.გულშემატკივრობა ? – თავს მარტო არ ვგრძნობთ, მთელი იტალია ჩვენს გვერდითაა.” – დაასრულა ბიანკონერების უკანახაზელმა.

წყარო : Football Italia