ჯორჯო მზად არის დერბისთვის

ჯორჯო კიელინიმ დაარწმუნა ბიანკონერის გულშემატკივარი , რომ თავს კარგად გრძნობს და შესძლებს კარიერაში მეორეჯერ გადამწყვეტი როლის შესრულებას ტურინულ დერბიში . იტალიელმა მცველმა გამოტოვა უკანასკნელი მატჩი ” მილანთან ” ტრავმის გამო , თუმცა როგორც ჩანს ხვალ იგი მოედანზე აუცილებლად გამოვა : ” ყველა ის პრობლემა , რომელიც ” ჩელსისთან ” შეხვედრაში წარმოიშვა , წარსულში დარჩა და თავს ამ ეტაპზე შესანიშნავად ვგრძნობ . ისედაც არაფერი სერიოზული არ ყოფილა და რამდენიმე დღიანი შესვენების შემდეგ , შევუდექი გუნდთან ერთად ვარჯიშს ” .

სწორედ ჯორჯომ გაიტანა სამი წლის გამართულ დერბიში გამარჯვების მომტანი გოლი , გამოიყენა რა პაველ ნედვედის გადაცემა …

” ასეთ შეხვედრაში გოლის გატანა ერთი სიამოვნებაა , რადგან ხვდები თუ რა ემოციას იწვევ არენაზე შეკრებულ ადამიანებში . თუმცა , უმეტესობა რატომღაც ” ტოროს ” მიიჩნევს ამ მხრივ უპირატესად , მაგრამ ვფიქრობ ეს ყველაფერი იმის გამოა , რომ ისინი არ აფასებენ გამარჯვების მოპოვების სურვილს . შესაძლოა სხვადასხვა მიზნებისთვის ვიბრძოდეთ , მაგრამ სასტვენის შემდეგ ეს ყოველივე მეასე ხარისხოვანია , მაშინ ხომ დერბი იწყება . მოხარული ვარ ტორინოსთან დაპირისპირებით , ვფიქრობ სერია ა-ში ტურინს ორი გუნდი აუცილებლად უნდა ჰყავდეს და იმედი მაქვს ისინი შეძლებენ ადგილის შენარჩუნებას და უახლოეს წლებში გაცილებით სერიოზული პოზიციებისთვის ბრძოლას . ადრე , დერბი ერთსა და იმავე არენაზე იმართებოდა , ეხლა კიდევ დერბი სტუმრად მოუწევთ . ეს გამორჩეულიც კი არის რადგან , მეტოქის დამარცხება ერთი ქალაქიდან საკუთარ გაზონზე დიდი სიამოვნებაა . გავიტან თუ არა გამარჯვების მომტან ბურთს კიდევ ერთხელ ? იმედი მაქვს ! ეს იქნება ოცნების ახდენა , თუმცა დარწმუნებული ვარ ტორინოს ტიფოზერიას სცენარის სხვა კუთხით განვითარება სურს ” .

ბიანკონერიმ მიმდინარე სეზონში მეორე მარცხი იწვნია ” მილანისთან ” , თუმცა მაინც პირველ პოზიციაზეა სატურნირო ცხრილში …

” ვერანაირ ზეწოლას ვერ ვგრძნობთ და საერთოდაც ჯერ ჯერობით იმისი დრო ნამდვილად არ დამდგარა , რომ სატურნირო ცხრილში ვიხედოთ . ნებისმიერ შემთხვევაში , იმედი მაქვს , რომ პოზიციას რომელიც ეხლა გვიკავია , სეზონის ბოლომდე შევინარჩუნებთ ” .

წყარო : Football Italia