ტურინი, ახალი ფორვარდის ძიებაში

ტევესის გარშემო აურზაურია. თუმცა, თავად არგენტინელი ყველაფერს მშვიდად და წყნარად განმარტავს :“ჯერ კიდევ მაშინ, როდესაც იუვესთან 3 წლიან კონტრაქტს ვაფორმებდი, ვთქვი რომ ეს იქნებოდა ბოლო ევროპული კონტრაქტი, რადგან სამშობლოში მსურდა დაბრუნება. მაშინ ამ თემაზე არავის არაფერი უთქვამს. საქმე იმაშია, რომ ადამიანები გარკვეულ ეტაპზე არ იმჩნევენ რეალობას, ხოლო როდესაც ახლოვდება კონკრეტული პერიოდი ამას მასმედიის მხრიდან შესაბამისი აურზაური მოსდევს თან”. ფაქტია, იგი წავა ხოლო გალილეო ფერარის ქუჩაზე მდებარე იუვეს მთავარი ოფისის ბინადრებს, მოუწევთ გადაწყვიტონ თუ რომელი თავდამსხმელით ჩაანაცვლებენ არგენტინელს. პაულო დიბალა, რადამელ ფალკაო, ედისონ კავანი და ეხლა კიდევ გონსალო იგუაინი..

გონსალო იგუაინის სახელი გუშინ ისევ დაუკავშირდა იუვეს. შეგახსენებთ, რომ 2013 წელს იყო იმის რეალური შესაძლებლობა, რომ პიპიტა კარიერას ტურინში განაგრძობდა. აქტიური მოლაპარაკებები, რომელიც მადრიდულ მხარესთან დიდი ხნის მანძილზე მიმდინარეობდა, სამწუხაროდ უშედეგოდ დასრულდა და არგენტინელმა კარიერა ნეაპოლიტანურ კლუბში განაგრძო. როგორც ჩანს ის განიცდის ამ ნაბიჯს, რადგან ჩემპიონთა ლიგაზე და სერია ა-ში ვერაფერ ღირებულს ვერ მიაღწია ამჟამინდელ კლუბში. მაროტა და კომპანია კიდევ ერთხელ ეცდებიან ფორვარდის შეძენას, მაგრამ დე ლაურენტისთან საუბარი იოლი არავისთვის არის და მითუმეტეს ტურინელთათვის..

გუშინ ჩვენი საიტის მეშვეობით ძამპარინის კომენტარს გაეცნობოდით, სადაც იგი 40 მილიონ ევროზე, იუვეს მომგებიან სიტუაციაზე და დიბალას აპრილში გასხვისებაზე საუბრობდა. დღეს, მისი აგენტი ადასტურებს ინფორმაციას, რომ ჯერჯერობით იუვე ფავორიტია იტალიაში, მაგრამ ევროპის მაშტაბით არგენტინელით საკმაო ტოპ-კლუბია დაინტერესებული. პსჟ ჯერჯერობით ყველაზე აქტიურია არა იტალიური კლუბებიდან, მაგრამ აქ უკვე ფეხბურთელის სურვილიც ერთვება. აგენტმა კიდევ ერთხელ გაუსვა ხაზი, რომ საფეხბურთო პროგრესირების კუთხით მის კლიენტს კარიერის იტალიაში გაგრძელება სურს და თან ისეთ გუნდში, რომელიც სტაბილურად ასპარეზობს ჩემპიონთა ლიგაზე და მხოლოდ უმაღლეს მიზნებს ისახავს მიზნად. ამ ინფორმაციის შემდეგ კი მაროტამ გადაწყვიტა 25 + 5 მილიონი გარდაექმნა ყოველგვარი ბონუსური სისტემის გარეშე პირდაპირ 32 მილიონ ევროდ. დაველოდოთ ძამპარინის რეაქციას, რომელიც ჯიუტად 40-ს არ უცვლის ფეხს. სავარაუდოდ იგი სხვა კლუბების რეაქციასაც ელოდება, მაგრამ მისთვის ასე ნანატრი აუქციონი ჯერჯერობით არანაირ სარგებელს არ აძლევს მას.

პარალელურად La Stampa იტყობინება, რომ კავანის თაობაზე ბიანკონერიმ მიაღწია შეთანხმებას ფრანგულ მხარესთან. ტრანსფერის საფასური 45 მილიონი ევრო იქნება, რომელსაც გუნდი სავარაუდოდ პოგბას გასხვისების შემდეგ გადაიხდის. თავად ფეხბურთელთან გაფორმდება 5 წლიანი კონტრაქტი და წლიურად ურუგვაელი 5.5 მილიონი ევროთი გაისქელებს ჯიბეს. ჩვენ გვახსოვს ასეთი სახის ინფორმაციები. მაგალითად ვან პერსის შემთხვევაში, როცა ის უკვე ჟურნალისტებმა ლამის ვინოვოს ბაზაზე მიიყვანეს, მაგრამ მათ სამწუხაროდ იგი დღემდეგ ნისლიან ალბიონზე რჩება. კავანით ტურინი მართლა არის დაინტერესებული და თან სამხრეთ ამერიკელს აერია ურთიერთობა პარიზელებთან, მაგრამ რამდენად შეესაბამება ეს ყველაფერი სიმართლეს სულ ცოტახანში გახდება ცნობილი.

ეს რაც შეეხებოდა არა იტალიელ თავდამსხმელებს, მაგრამ იუვეს გარკვეული სვლები წინა ხაზის გასაძლიერებლად შიდა ასპარეზზეც ძალუძს. მაროტა აპირებს სიმონე ძაძას კონტრაქტში არსებული პუნქტის ამუშავებას და 15 მილიონის სანაცვლოდ ახალგაზრდა ფორვარდის ვინოვოზე მოყვანას. მის გარდა, სამწვრთნელო შტაბი აქტიურად განიხილავს დომენიკო ბერარდის საკითხს, რომელიც თანამფლობელობაში ჰყავს ბიანკონერის სასუოლოსთან. მის მომავალს კლუბები საბოლოოდ გადაწყვიტავენ მოახლოებულ სატრანსფერო ფანჯრის პერიოდში.

მომსვლელთან ერთად, სახელდებიან სავარაუდო წამსვლელებიც. ახლგაზრდა კინგსლი კომანი ნამდვილად განიცდის სათამაშო პრაქტიკის უქონლობას და იმისთვის, რომ ფრანგმა ფეხბურთელმა გაიუმჯობესოს მახასიათებლები, ტურინი მზადაა მისი არენდით გასხვისებაზე. მსურველი არის სასულო და პალერმო.. სხვათაშორის ამ უკანასკნელებთან შეიძლება მოლაპარაკება და ფასის დაკლება დიბალაზე კომანის შეთავაზებით. მატრის ბედიც გაურკვეველია. თუ იგი არ გამოისყიდა იუვემ, მაშინ როსონერის დაუბრუნდება. თუმცა, თუ გავითვალისწინებთ იმას, რომ ალეგრი დიდი ხანია მატრისთან ერთად მუშაობს, არ არის გამორიცხული მწვრთნელმა სთხოვოს ხელმძღვანელობას და მან კარიერა ტურინში განაგრძოს. ასეთ შემთხვევაში კი ლორენტესთვის ტურინული თავგდასავალი დასასრულს მიუახლოვდება, რომლის ხილვაც საკუთარ რიგებში სურთ პრემიერ ლიგის და პრიმერა დივიზიონის ბინადრებს.