სატრანსფერო ჭორები და სიახლეები ( 13 ივნისი )

ტურინის “იუვენტუსის” ხელმძღვანელობა კარლოს ტევესის პასუხის მოლოდინშია.არგენტინის ეროვნული ნაკრების შემტევი ამჟამად ჩილეში კოპა ამერიკის ტურნირში იღებს მონაწილეობას და საბოლოო გადაწყვეტილების გახმოვანებას აგვიანებს, ბიანკონერების სატრანსფერო სვლები კი სწორედ აპაჩეს წასვლა-დარჩენაზეა დამყარებული.31 წლის წინახაზელის აბარგების შემთხვევაში ჯუზეპე მაროტა მარიო მანძუკიჩის ან ედინსონ კავანის გადმობირებას შეეცდება, თავად ტევესის მიმართ ინტერესს კი მადრიდის “ატლეტიკო” და ფრანგული “პსჟ” იჩენენ.დიდი ალბათობით, ტურინში უნდა დაბრუნდნენ დომენიკო ბერარდი და სიმონე ძაძა, მოლაპარაკებები ნეროვერდის ხელმძღვანელობასთან უკვე მიმდინარეობს და უახლოეს დღეებში წესით ბევრი სიახლე უნდა შევიტყოთ.

ჯუზეპე მაროტა იმედს არ კარგავს, რომ რაჯა ნაინგოლანის ხელში ჩაგდებას მოახერხებს.მოლაპარაკებები “რომასა” და “კალიარის” შორის ჩიხში შევიდა და თუ ტურინელებმა სერიოზულად მოინდომეს, ბელგიელი 18 მილიონად ბებერი ქალბატონის წევრი უნდა გახდეს.უკანასკნელი ცნობების თანახმად, სერია ა – ში დაწინაურებული “ბოლონია” ანჯელო ოგბონას მიმართ იჩენს ინტერესს და სურს, იტალიელი მცველით გაძლიერდეს.და ბოლოს, ფერნანდო ლიორენტეს შეძენას ინგლისური “ტოტენჰემი” ცდილობს, ლონდონელები მზად არიან ფეხბურთელის სანაცვლოდ 7-8 მილიონი ევრო გადაიხადონ, თავისმხრივ, წარუმატებელი სეზონის შემდეგ არც ბიანკონერები არიან ესპანელის გუნდიდან წასვლის წინააღმდეგნი.შეგახსენებთ, რომ აქამდე ინტერესს ბასკის მიმართ რამდენიმე ესპანური კლუბიც იჩენდა.

წყარო : Tuttojuve