“იუვენტუსი” 2-0 “სევილია” ( ფეხბურთელების შეფასებები )

გთავაზობთ “სევილიასთან” გამართულ მატჩში მონაწილე ფეხბურთელების შეფასებებს.

ბუფონი 6 – 90 წუთის მანძილზე პირდაპირ ეთერში თვალს ადევნებდა შეხვედრას, თანაც, პრივილეგირებული ადგილიდან.შეხვედრაში ერთადერთხელ ჩაერთო და ისიც პირველი ტაიმის ბოლოს, კონოპლიანკას დარტყმის შემდეგ.

ბარძალი 7 – ბარძალი-სტაილს უკვე მივეჩვიეთ, დამაჯერებელი და მშვიდი ანდრეა, თუმცა გუშინ მისი შესრულებით საგოლე პასი და შესანიშნავი გარბენიც ვიხილეთ.

ბონუჩი 6,5 – ოთხკუთხედის ფორმის მქონე ციხე-სიმაგრის ცენტრალური ბურჯი.შესანიშნავად კეტავს გამეიროს და გამჭოლი პასით ერთი-ერთზე გაჰყავს დიბალა.

კიელინი 6,5 – იბორას მოედანზე გამოსვლის შემდეგ ჯორჯო დასწრებაზე თამაშობს და ესპანელს ანეიტრალებს.გუშინდელი იუვეს ნამდვილი სახე, ეფექტურობა – ცოტა, რისკი – ნოლი.

ხედირა 7 – დაბრუნებაც ამას ჰქვია, მატჩის დასაწყისში საკუთარ საჯარიმოში აკეთებს ულამაზეს ვარდნას, შემდეგ თამაშობს მის პოზიციაზე, მშვიდად, გონივრულად.

ერნანეში 6 – ბრაზილიელმა გუშინ ჩაჭრებში კიელინის აჯობა, უცნაურია.პირველ ტაიმში რამდენჯერმე დაარტყა კარის მიმართულებით, თუმცა მეტი სივრცე ჰქონდა და შეეძლო უფრო აგრესიულად ეთამაშა.მეტს მოველოდით.

პოგბა 6 – ცოტათი ზიდანს ჰგავს, ცოტათი კარატისტს.საუკეთესო მატჩი არ ჩაუტარებია, ერთი მომენტი ჰქონდა, თუმცა ვერ გაიტანა.

ევრა 6,5 – პატრისმა გუშინ ანდალუსიელების ერთ-ერთი ყველაზე სახიფათო მოთამაშე, ევგენი კონოპლიანკა გაანეიტრალა და მეტიც, ხუთჯერ ჩააწოდა მეტოქის საჯარიმოში.

კუადრადო 7 ( მატჩის საუკეთესო მოთამაშე ) – ეს ადამიანი არ იღლება, თამაშობს მარჯვენა ფლანგზე, დაცვაშიც, ცენტრშიც, შეტევაშიც.ერთადერთი დარტყმა კარის მიმართულებით, თუმცა მთავარი ფანტაზიაა, რაც იუვეს ასე სჭირდება.

დიბალა 7 – ცუდად დაიწყო, თუმცა სიტუაცია გამოასწორა.ჯერ ულამაზესი გოლის გატანა შეეძლო, შემდეგ ჯარიმიდან აუღო მეკარემ, ერთი-ერთზეც რიკომ აჯობა, საერთო ჯამში, არგენტინელი უმარტებს.

მორატა 7 – ტრეზეგე გაგვახსენდა, შეარჩია პოზიცია და დაარტყა იქ, სადაც მეკარე ბურთს ვერ მიწვდებოდა.ჩვეულებრივ შეხვედრაში უმნიშვნელოვანესი გოლის ავტორი გახდა.

ალექს სანდრო 6 – ალეგრი ბრაზილიელს თხოვს, ნახევარი საათით ცენტრალური ნახევარმცველი გახდეს.

ძაძა 7 – მის მიერ ჩატარებულ ათ წუთზე წიგნი შეიძლება დაიწეროს.შემოდის შეცვლაზე და აკეთებს იმას, რაც აქამდე არასდროს არ გაუკეთებია, სადებიუტო გოლი ჩემპიონთა ლიგაზე.აი რას ნიშნავს შეცვლიდან შემოსვლა..

რუგანი – შეფასების გარეშე – ისტორიული წუთები მისთვის, დებიუტი იუვენტუსის მაისურით.

ალეგრი 7 – შესანიშნავად შეარჩია სქემა, ფეხბურთელები, ცვლილებები და მოკლედ, სევილია Mute რეჟიმში გადაიყვანა.იდეალურია, მაქს !

წყარო : La Stampa