მითი თუ სინამდვილე: “რეალმა” ბეილის ფული მაისურების გაყიდვით ამოიღო”

რამდენს გამოიმუშავებენ კლუბები მაისურების გაყიდვით?

სატრანსფერო ციებ-ცხელება როგორც კი დაიწყება, ხშირად გაიგონებთ – “კლუბი ტრანსფერის თანხას მაისურების გაყიდვით ამოიღებს”. განვიხილოთ, რამდენად შეესაბამება ეს მოსაზრება სინამდვილეს.

ცნობილი გერმანელი სპეციალისტი სპორტულ მარკეტინგში – პეტერ როლმანი, გვაწვდის ინფორმაციას ამ თამაზე.

მაისურების საშუალო ღირებულება იტალიაში (მაღაზიების დანამატების გარეშე) შეადგენს 75 ევროს. რისგან შედგება ეს თანხა?

8 ევრო – წარმოების ხარჯები და ლოჯისტიკა

2,50 ევრო – მარკეტინგის ხარჯები

6 ევრო – სალიცენზიო მოსაკრებელი

2 ევრო – დანახარჯები რეალიზაციაში

12 ევრო – ბაჟი გაყიდვიდან

16 ევრო – მწარმოებლის მარჟა

რჩება შემოსავალი ~ 30 ევრო

ეს თანხა ეკუთვნის ეკიპირების მწარმოებელს (მაგ. “ადიდასი”). ხოლო კლუბი იღებს სალიცენზიო მოსაკრებელს – 8%-ს გაყიდვიდან, ანუ 6 ევროს.

ახლა გადავხედოთ გაყიდვებს 2015-2016 წ. სეზონში (ფრჩხილებში 2014-2015 წ.)

1. “ბარსელონა” – 3.637.000 (2.440.000 +32%)
2. “ბაიერნი” – 3.312.000 (1.977.000 +40%)
3. “ჩელსი” – 3.102.000 (1.866.000 + 39%)
4. “მან.იუნაიტედი” – 2.977.000 (1.946.000 +34%)
5. “რეალი” – 2.866.000 (2.533.000 +11%)
6. “პსჟ” – 2.212.000 (1.733.000 +21%)
7. “არსენალი” – 2.055.000 (1.455.000 +29%)
8. “ატლეტიკო” – 1.977.000 ( – )
9. “იუვენტუსი” – 1.678.000 (1.078.000 +35%)
10. “მილანი” – 1.287.000 (978.000 +24%)

როგორც ხედავთ, წინა სეზონში “იუვემ” 1.678.000 მაისური გაყიდა. ე.ი. მიიღო – 10 მილიონი ევრო. “ბარსამ” – 22 მლნ. “რეალმა” – 17 მლნ. დამეთანხმებით, არცთუ ბევრია.

Bild am Sonntag და Tuttosport -ის მიხედვით.