“ნაპოლი” 3-3 “იუვენტუსი” ( ფეხბურთელების შეფასებები )

გთავაზობთ გუშინდელ მატჩში მონაწილე ფეხბურთელების შეფასებებს…

ბუფონი 6 – 2006 წლიდან “სან პაოლო” ერთ-ერთ ყველაზე უიღბლო სტადიონთა რიცხვში შედის.პირველ ტაიმში ორ გოლს უშვებს, მეორე ტაიმში ჯიჯის ფაქტიურად საქმე არ ჰქონია.

ლიხშტაინერი 5.5 – ფიზიკურად სუსტი შვეიცარიელი მიმდინარე სეზონში პირველად ვიხილეთ.ფაქტია, ცუნიგამ შეტევის მარცხენა ფლანგზე ყველა კომპონენტში დაჯაბნა.

ბარძალი 5.5 – არაფერი გამოსდის, თუმცა ბოლომდე ცდილობს და იბრძვის.

ბონუჩი 4.5 – ვერ გრძნობს ბურთს და ცუდად ანაწილებს დროს.პირველი გოლის ეპიზოდში საგოლე პასი გაუკეთა ჰამშიკს, მეორე ტაიმში კი პანდევი გაექცა, როცა ამ უკანასკნელმა მესამეჯერ შეძლო ტურინელთა კარის აღება.

კიელინი 5.5 – გაშვებულ გოლებში ჯორჯოც დამნაშავეა, თუმცა კარგი ფიზიკური მომზადებითა და მაქსიმალური კონცენტრაციით ყველაფერს ასწორებს და მეორე ტაიმში ბოლომდე იხარჯება.

ესტიგარიბია 7 – მებრძოლი, აქტიური და შემტევი.აწყობს სწრაფ კონტრშეტევებს და გააქვს გოლი.

ვიდალი 6.5 – პირველ ტაიმში განხორციელებული ზეწოლის შემდეგ მეორე ტაიმი ჩილელმა მატრიზე საოცარი გადაცემით გახსნა.

პირლო 6 – პირველ ტაიმში დამწყები სკოლის მოსწავლესავით ასპარეზობდა და 4 ქულას იმსახურებდა, მაგრამ ის ხომ თავად პროფესორია.მის უხეშობას მოჰყვა ბუფონის კარში დანიშნული თერთმეტმეტრიანი.შეხვედრის მეორე ნახევარში სრულად ბატონობს ნეაპოლურ ნახევარდაცვაზე.

პეპე 7 – რეგბისტი.გოლფის თამაშის გარდა სიმონეს შეუძლია, გაიტანოს გოლი და ეს შედევრი All Black – ის საუცხოო ლელოს დაამსგავსოს.მატჩის დასაწყისში დაბნეულია, თუმცა შემდეგ კონცენტრირებას ახდენს.

პაციენცა ( 86 – ე წუთიდან ) – შეფასების გარეშე.

ვუჩინიჩი 6.5 – პირველ ტაიმში პასიურია, შესვენების შემდეგ კი გაორმაგებული ენერგიით იწყებს თამაშს.იმ ფეხბურთელთაგანი, რომლებმაც მატჩის გარდატეხაში დიდი როლი ითამაშეს.

დელ პიერო ( 90 – ე წუთიდან ) – შეფასების გარეშე.

მატრი 7 – შეუჩერებელია : 6 გოლი 11 შეხვედრაში.

კვალიარელა ( 89 – ე წუთიდან ) – შეფასების გარეშე.

კონტე – 7

წყარო : La Stampa